Dimple Hayathi: KTR స‌ర్.. మాకు పెట్రోల్ ఫ్రీగా ఇస్తున్నారా?

Hyderabad: న‌టి డింపుల్ హ‌యాతీ (dimple hayathi) తెలంగాణ ప్ర‌భుత్వంపై మండిప‌డ్డారు. నిన్న షూటింగ్‌కి వెళ్లి తిరిగి ఇంటికి వెళ్తున్న క్ర‌మంలో వ‌ర్షం కార‌ణంగా రాత్రి హైటెక్ సిటీ ద‌గ్గరున్న ఫ్లై ఓవ‌ర్‌పై ట్రాఫిక్ నిలిచిపోయింది. దాదాపు గంట అవుతున్నా కూడా వాహ‌నాలు క‌ద‌ల్లేద‌ట‌. ఈ విష‌యాన్ని డింపుల్ ట్వీట్ చేస్తూ కేటీఆర్‌ను తెలంగాణ గ‌వ‌ర్న‌మెంట్‌ను ట్యాగ్ చేసారు. ” దేవుడా.. జ‌స్ట్ ఇంటికి వెళ్ల‌డానికి గంట ప‌డుతోంది. అస‌లు ట్రాఫిక్ పోలీసులు ఏమ‌య్యారు? ఒక‌వేళ మెడిక‌ల్ ఎమ‌ర్జెన్సీ ఉంటే ఏంటి ప‌రిస్థితి? అస‌లు హైద‌రాబాద్‌లో బ‌య‌ట అడుగుపెట్ట‌గ‌ల‌మా? మాకు పెట్రోల్ ఫ్రీగా ఏం రావ‌ట్లేదుగా డియ‌ర్ గ‌వ‌ర్న‌మెంట్ “ అంటూ సెటైర్ వేసిన‌ట్లుగా ట్వీట్ చేసారు. అయితే డింపుల్ ట్వీట్ ప‌ట్ల నెటిజ‌న్స్ ఎవ్వ‌రూ సపోర్ట్ చేయ‌లేదు. వర్షాలు ప‌డుతున్న స‌మ‌యంలో హైద‌రాబాద్ అనే కాదు ఏ ప్రాంత‌మైనా ఇలాగే ఉంటుంద‌ని గుర్తుచేసారు. కారులో కూర్చుని గంట సేపు వెయిట్ చేయ‌డానికే ఇంత నొప్పిగా ఉంటే బ‌య‌ట బైకుల‌పై తిరిగేవాళ్ల ప‌రిస్థితి ఏంటి అని ప్ర‌శ్నిస్తున్నారు.