Citadel: ‘అదరగొట్టేశావ్’.. ప్రియాంకకు హృతిక్ ప్రశంస!
Mumbai: బాలీవుడ్(Bollywood) స్టార్ హీరోయిన్ ప్రియాంకా చోప్రా(Priyanka Chopra) ప్రస్తుతం హలీవుడ్(Hollywood)లోనూ రాణిస్తోంది. తాజాగా ప్రియాంక నటించిన సిటాడెల్(Citadel)అనే అమెరికన్ వెబ్ సిరీస్ ప్రైమ్ వీడియోలో స్ట్రీమింగ్ అవుతోంది. స్పై యాక్షన్ థ్రిల్లర్ గా వచ్చిన ఈ సిరీస్ మొత్తం 6 ఎపిసోడ్స్ గా వస్తున్న మొదటి సీజన్ నుంచి ఇప్పటి వరకు 4 ఎపిసోడ్స్ రిలీజ్ అయ్యాయి. ఈ సిరీస్ రికార్డు వ్యూస్ సాధించి వరల్డ్ టాప్ వెబ్ సిరీస్ గా నిలిచింది. ఇక, తాజాగా ఈ సిరీస్ చూసిన బాలీవుడ్ స్టార్ హీరో హృతిక్ రోషన్, ప్రియాంక చోప్రాని సోషల్ మీడియా వేదికగా తెగ మెచ్చుకున్నారు.
‘ప్రియాంక సిటాడెల్ చూశాను. డైరెక్షన్ అండ్ స్క్రీన్ ప్లే అదిరిపోయింది. మీ అద్భుతమైన వర్క్ చూసి నేను సర్‌ప్రైజ్ అయ్యాను. ప్రియాంక ఈసారి నువ్వు అదరగొట్టేశావ్. చాలా గర్వంగా ఉంది నిన్ను చూస్తుంటే’ అంటూ సోషల్ మీడియాలో పోస్ట్ చేశారు హృతిక్. ఇక దీనికి ప్రియాంక రెస్పాండ్ అవుతూ.. ‘థాంక్స్ మై ఫ్రెండ్’ అంటూ రిప్లై ఇచ్చింది.
కాగా వీరిద్దరూ కలిసి ‘క్రిష్’(Krrish) సూపర్ హీరో సిరీస్ రెండు భాగాల్లో నటించారు. ప్రస్తుతం హృతిక్ వార్2(War 2) షూటింగ్తో బిజీగా ఉన్నారు. ఇక, ఈ సిరీస్ ఇండియన్ వెర్షన్లో టాలీవుడ్ హీరోయిన్ సమంత(Samantha) నటించిన విషయం తెలిసిందే. ఈ సిరీస్ త్వరలోనే ప్రేక్షకుల ముందుకు రానుంది.
