Chiranjeevi కోరిక నెర‌వేరిన వేళ..!
Chiranjeevi: మెగాస్టార్ చిరంజీవి కోరిక నెర‌వేరింది. త‌న కుమారుడు రామ్ చరణ్.. (Ram Charan) అతిలోక సుంద‌రి శ్రీదేవి (Sridevi) కుమార్తె జాన్వితో క‌పూర్‌తో (Janhvi Kapoor) క‌లిసి న‌టించాల‌ని అనుకున్నారు. అన్న‌ట్లుగానే వీరిద్ద‌రూ క‌లిసి ఓ సినిమా చేయ‌బోతున్నారు. చిరంజీవి న‌టించిన ఖైదీ నెం.150 సినిమా రిలీజ్ స‌మ‌యంలో ప్ర‌మోషన్స్‌లో భాగంగా నిహారిక కొణిదెల చేసిన ఇంట‌ర్వ్యూలో చిరంజీవి, రామ్ చరణ్ పాల్గొన్నారు.
ఆ స‌మ‌యంలో నిహారిక చిరుని ఓ ప్ర‌శ్న అడిగారు. మీ అబ్బాయి మీరు న‌టించిన ఏ సినిమాను రీమేక్ చేస్తే బాగుంటుంది అనుకుంటున్నారు అని అడ‌గ్గా.. ఆయ‌న జ‌గ‌దేక వీరుడు అతిలోక సుంద‌రి అని స‌మాధానం ఇచ్చారు. ఇదే ప్ర‌శ్న‌ను రామ్ చ‌ర‌ణ్‌ను అడ‌గ్గా.. గ్యాంగ్ లీడ‌ర్ అని చెప్పారు. అయితే ఒక‌వేళ జ‌గ‌దేక వీరుడు అతిలోక సుంద‌రి రీమేక్ చేయాల్సి వ‌స్తే రామ్ చరణ్ ప‌క్క‌న ఏ హీరోయిన్ న‌టిస్తే బాగుంటుంద‌ని అనుకుంటున్నారు అని నిహారిక చిరంజీవిని అడిగారు. అప్పుడు చిరంజీవి.. శ్రీదేవికి కూతురు ఉందా? ఉంటే ఆమె న‌టిస్తే బాగుంటుంది అనుకుంటున్నా అన్నారు. అన్న‌ట్లుగానే చిరు కోరిక మేర‌కు రామ్‌చ‌ర‌ణ్‌, జాన్వి క‌పూర్ క‌లిసి న‌టించ‌నున్నారు. అయితే ఇది జగ‌దేక‌వీరుడు అతిలోక సుంద‌రి రీమేక్ మాత్రం కాదు..!
ఇక రామ్ చరణ్, జాన్వి క‌లిసి న‌టించ‌నున్న సినిమాకు టైటిల్ క‌న్ఫామ్ కాలేదు. ఉప్పెన ఫేం బుచ్చి బాబు స‌న ఈ సినిమాకు ద‌ర్శ‌క‌త్వం వ‌హించ‌నున్నారు. ఇదో స్పోర్ట్స్ డ్రామాగా తెర‌కెక్క‌నుంది. ఇందులో క‌న్న‌డ నటుడు శివ‌రాజ్ కుమార్ కీల‌క పాత్ర‌లో న‌టించ‌నున్నారు. ఏఆర్ రెహ‌మాన్ ఈ సినిమాకు సంగీతం అందించ‌నున్నారు. (Chiranjeevi)
ALSO READ:
