Virupaksha హిట్.. మామ ఫుల్ ఖుష్!
Hyderabad: విరూపాక్ష(virupaksha) సినిమాతో హిట్ కొట్టేసాడు సుప్రీం హీరో సాయి ధ‌ర‌మ్ తేజ్(sai dharam tej). కార్తిక్ డైరెక్ట్ చేసిన ఈ సినిమా ఈరోజు రిలీజ్ అయ్యి తెలుగు రాష్ట్రాల్లోనే కాకుండా ఓవ‌ర్‌సీస్‌లోనూ మంచి టాక్ అందుకుంది. దాంతో టీం సెల‌బ్రేష‌న్స్‌లో మునిగిపోయింది. యాక్సిడెంట్ త‌ర్వాత ధ‌ర‌మ్ తేజ్ కోలుకుని న‌టించిన సినిమా కావ‌డం, అది హిట్ అవ్వ‌డంతో మెగాస్టార్ చిరంజీవి త‌న మేన‌ల్లుడిని చూసి ఖుష్ అయిపోతున్నారు. చిరు భార్య సురేఖ.. ధ‌ర‌మ్ తేజ్‌కు కేక్‌ తినిపిస్తున్న ఫొటోను షేర్ చేస్తూ కంగ్రాట్స్ చెప్పారు. “విరూపాక్ష‌కు అన్నిచోట్లా బ్లాక్‌బ‌స్ట‌ర్ రిపోర్టులు వ‌స్తున్నాయి. నీ స‌క్సెస్ నాకు ఎంతో సంతోషాన్నిచ్చింది. యాక్సిడెంట్ త‌ర్వాత మంచి కమ్‌బ్యాక్ ఇచ్చావ్. ఆడియ‌న్స్ నీ సినిమాపై చూపిస్తున్న ప్రేమ, నీపై వ‌స్తున్న ప్ర‌శంస‌లు చూసి ఎంతో సంతోషంగా ఉంది. విరూపాక్ష టీంకు కంగ్రాట్స్” అని ట్వీట్ చేసారు. దీనికి ధ‌ర‌మ్ తేజ్ స్పందిస్తూ.. “థ్యాంక్స్ అత్తా మామా..ల‌వ్యూ” అని ట్వీట్ చేసాడు.
