HBD NTR: అలలకు అలుపు లేదు నీ నటనకు తిరుగులేదు!
Hyderabad: మ్యాన్ ఆఫ్ మాస్, గాడ్ ఆఫ్ మాస్, సీఈవో ఆఫ్ మాస్.. పేర్లెన్నయినా వాటికి చిరునామా మాత్రం యంగ్ టైగర్ ఎన్టీఆర్(Jr NTR). ఈ రోజు (మే 20న) ఎన్టీఆర్ బర్త్డే సందర్భంగా నెట్టింట అభిమానులు, ప్రముఖుల నుంచి శుభాకాంక్షలు వెల్లువెత్తుతున్నాయి. తారక్ బర్త్డే ట్రీట్గా కొరటాల శివ అందించిన సర్ప్రైజ్ అభిమానులను బాగా ఆకట్టుకుంటోంది. ఎన్టీఆర్ 30 సినిమాకు ‘దేవర’(Devara) టైటిల్ని ఫిక్స్ చేస్తూ తారక్ లుక్ రిలీజ్ చేశారు. ఈ లుక్ చూసిన ఫ్యాన్స్ ఎన్టీఆర్ ఖాతాలో మరో హిట్ ఖాయం అంటూ తెగ సంబరపడిపోతున్నారు.
ఇక, ఎన్టీఆర్ బర్త్డే విషెస్ తో పాటు దేవర టీమ్కి అభినందనలు చెబుతున్నారు. నటసింహం బాలకృష్ణ దేవర పోస్టర్ ట్వీట్ చేసి ‘బాగుంది అబ్బాయ్’ అంటూ అభినందించారు. మ్యూజిక్ డైరెక్టర్ థమన్ దేవర టీమ్కి స్పెషల్ విషెస్ చెప్పారు. బాలీవుడ్ స్టార్ హీరో హృతిక్ రోషన్ ‘పుట్టిన రోజు శుభాకాంక్షలు మిత్రమా’ అంటూ తెలుగులో ట్వీట్ చేశారు. అంతేకాదు ఎన్టీఆర్ బాలీవుడ్ ఎంట్రీ సినిమా వార్2లో తారక్ది విలన్ రోల్ అని హృతిక్ ట్వీట్తో కన్ఫామ్ అయిపోయింది. ‘యుద్దభూమిలో కలిసేందుకు వేచి చూస్తున్నా.. నన్ను కలిసే వరకు సంతోషంగా నీ రోజులు సాగిపోనివ్వు’ అంటూ ట్వీట్ చేశారు హృతిక్. ఇక, దేవర టైటిల్ నాదే అంటూ ట్వీట్ చేసిన ప్రముఖ నిర్మాత బండ్ల గణేష్ కూడా ‘నాకేం ప్రాబ్లం లేదు బ్రదర్. ఇది మన యంగ్ టైగర్ సినిమాకే కదా.. ఆయన కూడా నాకు దేవరే’ అంటూ వివాదానికి పుల్స్టాప్ పెట్టేశారు. అంతేకాదు ఎన్టీఆర్30 ఫస్ట్లుక్ పోస్టర్ ‘సూపర్గా ఉంది’ అంటూ ట్వీట్ చేశారు.
మహేష్ బాబు, రాశి కన్నా, రష్మికా మందన్నా, మోక్షజ్ఞ తేజ, ఖుష్బూ, రామ్ పోతినేని, భూమికా చావ్లా… టాలీవుడ్ సెలబ్రిటీలు, ప్రముఖులతోపాటు జపాన్లోని తారక్ అభిమానులు సైతం శుభాకాంక్షలు తెలుపుతున్నారు.
