BRO: ఒకేసారి మామా అల్లుడి ఎంట్రీ..!
Hyderabad: పవర్స్టార్ పవన్ కల్యాణ్(Pawan Kalyan), మెగా హీరో సాయి ధరమ్ తేజ్(Sai Dharam Tej) కలిసి నటిస్తున్న సినిమా బ్రో: ది అవతార్(BRO: The Avatar). ప్రముఖ నటుడు, దర్శకుడు సముద్రఖని(Samuthirakani) రూపొందిస్తున్న ఈ సినిమా తమిళ సినిమా వినోదయా సిత్తం కు రీమేక్గా తెరకెక్కతోంది. ఇటీవలే విడుదలైన ఈ సినిమా టైటిల్ మోషన్ పోస్టర్ మిలియన్ల కొద్దీ వ్యూస్తో రికార్డులు క్రియేట్ చేస్తోంది. ఇక ఈ మధ్యనే మార్క్ లుక్ ని కూడా రిలీజ్ చేశారు. జూలై 28న విడుదలకానున్న ఈ సినిమాపై మరింత హైప్ క్రియేట్ చేయడానికి వరుస అప్డేట్లతో సర్ప్రైజ్ చేస్తున్నారు మేకర్స్. టైటిల్, మార్క్ పోస్టర్లతో భారీ అంచనాలను క్రియేట్ చేసిన మేకర్స్ ఇప్పుడు ఇద్దరూ కలిసి ఉన్న పోస్టర్ని రివీల్ చేసేందుకు ముహూర్తం ఖరారు చేశారు. సోమవారం(మే 29న) ఉదయం 10:08 గంటలకు ఈ పోస్టర్ని రిలీజ్ చేయనున్నారు. మొదటిసారి మామా అల్లుడు ఒకే పోస్టర్లో కనపడనుండటంతో మెగా అభిమానులు సంబరాలు చేసుకుంటున్నారు. కాగా ఈ సినిమాని పీపుల్ మీడియా ఫ్యాక్టరీ ప్రతిష్టాత్మకంగా నిర్మిస్తున్నారు. ఈ సినిమాలో కేతిక శర్మ (Ketika Sharma) సాయి ధరమ్ కి జోడిగా కనిపించబోతుందని తెలుస్తుంది.
