BRO: 7 ఏక‌ర్స్‌లో కాస్ట్లీ పబ్ సెట్!
Hyderabad: పవర్ స్టార్ పవన్ కల్యాణ్(Pawan Kalyan), మెగా అల్లుడు సాయిధరమ్ తేజ్(Sai Dharam Tej) కలిసి ప్రముఖ నటుడు, దర్శకుడు సముద్రఖని(Samuthirakani) డైరెక్షన్లో చేస్తున్న సినిమా ‘బ్రో’(BRO: The Avatar). ఈ సినిమా తమిళ్ లో సూపర్ హిట్ అయిన ‘వినోదయసీతం’ సినిమాకి రీమేక్ గా తెరకెక్కుతోంది. ఈ సినిమాను పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ మరియు సహనిర్మాత వివేక్ కూచిబొట్ల నిర్మిస్తున్నారు.
తమిళ్ లో సూపర్ హిట్ అయిన ఈ సినిమాకు తెలుగులో త్రివిక్రమ్ శ్రీనివాస్(Trivikram) స్క్రీన్ ప్లే & డైలాగ్స్ ను అందిస్తున్నారు. ఈ సినిమా గురించి ఓ ఆసక్తికర వార్త ఒకటి చక్కెర్లు కొడుతుంది. ఈ సినిమాకి సంబంధించిన భారీ పబ్ సెట్ ను అన్నపూర్ణ స్టూడియోస్ సెవెన్ ఎకర్స్ లో నిర్మించినట్లు తెలుస్తుంది. తెలుగు సినీ పరిశ్రమలో మునిపెన్నడు లేని విధంగా ఈ భారీ సెట్ ఉండబోతుందని, దీని కోసం భారీ స్థాయిలో ఖర్చుపెట్టి ఈ సెట్ ను నిర్మించినట్టు తెలుస్తుంది. దీనిలో ఓ పాట, ఫైట్ షూట్ చేయనున్నారట. త్వరలోనే ఈ షూటింగ్ ప్రారంభం కానుందట. ఇక ఇటీవలే రిలీజ్ చేసిన ‘బ్రో’ ఫస్ట్ లుక్ విపరీతంగా ఆకట్టుకుంటోంది. ఈ పోస్టర్తో సినిమాపై అంచనాలు రెట్టింపయ్యాయి. ఇక ఈ మోషన్ పోస్టర్ యూట్యూబ్లో నెంబర్ వన్ ట్రెండింగ్లో మిలియన్ల కొద్దీ వ్యూస్తో దూసుకుపోతోంది. జులై 28న విడుదల కాబోతోన్న ఈ సినిమా కోసం పవన్ ఫ్యాన్స్తో పాటు సినీ ప్రేక్షకులూ ఆసక్తిగా ఎదురు చూస్తున్నారు.
