BSS10: ‘భీమ్లా’ డైరెక్టర్తో బెల్లంకొండ హీరో!
Hyderabad: పవర్స్టార్ పవన్ కల్యాణ్(Pawan Kalyan) భీమ్లా నాయక్(Bheemla Nayak) సినిమాతో ఒక్కసారిగా టాక్ ఆఫ్ టాలీవుడ్గా మారిపోయిన డైరెక్టర్ సాగర్ కే చంద్ర(Sagar K Chandra). నటుడు, దర్శకుడు రవిబాబు(Ravi Babu) వద్ద అసిస్టెంట్ డైరెక్టర్ గా పని చేసిన సాగర్ నటకిరీటి రాజేంద్రప్రసాద్ నటించిన ‘అయ్యారే’ సినిమాతో డైరెక్టర్ గా మారారు. ఆ తర్వాత నారా రోహిత్(Nara Rohit), శ్రీ విష్ణు(Sree Vishnu)తో ‘అప్పట్లో ఒకడుండేవాడు’ అనే సినిమాని డైరెక్ట్ చేశారు. సాగర్ రూపొందించిన సినిమాలు కమర్షియల్గా హిట్ కాకపోయినా టేకింగ్, స్క్రీన్ప్లే పరంగా అందరి ప్రశంసలు అందుకున్నాయి.
కాగా, పవన్, రానా కాంబినేషన్ లో వచ్చిన ‘భీమ్లా నాయక్’ సినిమాతో డైరెక్టర్ గా మంచి విజయం సాధించారు సాగర్. ఈ సినిమాకి మాటలు రాసింది త్రివిక్రమ్ అయినా పవన్ అభిమానులను మెప్పించేలా రూపొందించింది మాత్రం డైరెక్టరే. కానీ ఈ సినిమా తర్వాత కూడా సాగర్ పెద్దగా అవకాశాలు అందుకోలేదు. కాగా, తాజాగా బెల్లంకొండ్ర శ్రీనివాస్ తో సాగర్ చంద్ర సినిమాని ప్రకటించారు. నేడు సాగర్ చంద్ర పుట్టిన రోజు సందర్భంగా చిత్రయూనిట్ స్పెషల్ పోస్టర్ రిలీజ్ చేసింది. దీంతో సాగర్ తదుపరి సినిమాపై క్లారిటీ వచ్చింది. 14 రీల్స్ ఎంటర్టైన్మెంట్స్ బ్యానర్ పై రామ్ ఆచంట, గోపి ఆచంట నిర్మాణంలో బెల్లంకొండ సాయి శ్రీనివాస్ హీరోగా సాగర్ K చంద్ర దర్శకత్వంలో ఈ సినిమా తెరకెక్కుతుంది. ఇది శ్రీనివాస్ కి 10వ సినిమా కావడం విశేషం.
ఇక బెల్లంకొండ శ్రీనివాస్ ఇటీవలే ఛత్రపతి హిందీ రీమేక్ తో బాలీవుడ్ లో ఎంట్రీ ఇచ్చాడు. భారీ అంచనాల మధ్య రిలీజైన ఈ సినిమా కూడా విజయం అందుకోలేకపోయింది. మరి సాగర్ దర్శకత్వంలో రూపొందే BSS10 సినిమాతో అయినా బెల్లంకొండ హీరో సక్సెస్ ట్రాక్ ఎక్కుతాడో చూడాలి.
