Prabhas ‘ఆదిపురుష్’తో ప్రారంభం కానున్న అల్లు అర్జున్ మల్టీప్లెక్స్!
Hyderabad: ఐకాన్ స్టార్ అల్లు అర్జున్(Allu Arjun) మల్టీప్లెక్స్ బిజినెస్లోకి అడుగుపెట్టిన సంగతి తెలిసిందే. సత్యం ఏషియన్ మాల్ని కొనుగోలు చేసిన బన్నీ దాన్ని మల్టీప్లెక్స్గా తీర్చిదిద్దుతున్నారు. కాగా, అన్ని హంగులతో సిద్ధమైన ఈ థియేటర్ పాన్ఇండియా స్టార్ ప్రభాస్(Prabhas) నటిస్తున్న ఆదిపురుష్(Adipurush) సినిమాతో ఓపెనింగ్ కానుందని తెలుస్తోంది. బాలీవుడ్(Bollywood) డైరెక్టర్ ఓం రౌత్(Om Raut) రామాయణం ఆధారంగా రూపొందించిన సినిమా ఆదిపురుష్. ఈ సినిమాలో ప్రభాస్ రాముడిగా, కృతి సనన్ సీతగా నటిస్తున్న సంగతి తెలిసిందే. ఈ సినిమా జూన్ 16న ప్రపంచవ్యాప్తంగా విడుదల కానుంది. ఈ సినిమా నుంచి విడుదలైన ట్రైలర్, జై శ్రీరామ్, రామ్ సీతా రామ్ పాటలు ప్రేక్షకులను విపరీతంగా ఆకట్టుకుంటున్నాయి. భారీ బడ్జెట్తో తెరకెక్కిన ఈ సినిమాపై భారీ అంచనాలే ఉన్నాయి.
కాగా బన్నీ ప్రస్తుతం పుష్ప 2(Pushpa2) షూటింగ్తో బిజీగా ఉన్నారు. సుకుమార్ డైరెక్షన్లో వచ్చిన పుష్ప సినిమాకి సీక్వెల్గా ఈ సినిమా తెరకెక్కతున్న సంగతి తెలిసిందే. దేవీశ్రీ ప్రసాద్ సంగీతం అందిస్తున్న ఈ సినిమాలో రష్మికా మందన్నా హీరోయిన్గా నటిస్తోంది. ఈ సినిమా వచ్చే ఏడాది విడుదల కానుంది. ఇక, ఈ సినిమా తర్వాత సందీప్ రెడ్డి వంగాతో సినిమా ప్రకటించారు అల్లు అర్జున్.
