Allu Arjun: ఆ హీరోతో కలిసి న‌టించ‌న‌న్నారా?
Hyderabad:కోలీవుడ్ టాప్ డైరెక్టర్లలో ఒకరు వెట్రిమారన్(Vetrimaran). ఆయన దర్శకత్వంలో సినిమా అంటే ప్రతీ హీరో ఓకే చెప్పేందుకు సిద్ధంగా ఉంటారనే విషయం అందరికీ తెలిసిందే. కానీ ఆయనతో సినిమా చెయ్యడానికి టాలీవుడ్ స్టైలిష్ స్టార్ అల్లు అర్జున్(Allu Arjun) నో చెప్పారట. తాజాగా పలు విషయాలను పంచుకున్న వెట్రి బన్నీతో మిస్సయిన సినిమా విశేషాలు చెప్పుకొచ్చారు. ఆ సినిమా కోలీవుడ్ స్టార్ ధనుష్(Dhanush) హీరోగా తెరకెక్కి ఘన విజయం సాధించింది. అయితే ఆ సినిమాలో ఓ పవర్ఫుల్ పాత్రలో అయినా నటించమని కోరారట వెట్రి. కానీ బన్ని అతిథి పాత్ర చెయ్యనని తెగేసి చెప్పారట. దీంతో బన్ని మంచి ఛాన్స్ మిస్ చేసుకున్నాడని అనుకుంటున్నారు అభిమానులు.
ఇండియాలోని ది బెస్ట్ డైరెక్టర్స్ లలో వెట్రి ఒకరు. ఆయన ఇప్పటివరకు తీసింది కేవలం ఐదు సినిమాలే అయినా..ప్రతి సినిమా ఓ అద్భుతం, సంచలనంగా మారింది. అంతే కాదు ఆయన సినిమా తీస్తే అవార్డులు వెతుక్కుని మరీ వస్తాయనే టాక్ కూడా ఉంది. ఇటీవలే ‘విడుతలై పార్ట్ 1’ తీసి మంచి హిట్ కొట్టారు.విడుతలై తెలుగు వెర్షన్ త్వరలోనే ప్రేక్షకులు ముందుకు రానుంది. ఈ సందర్భంగా హైదరాబాద్ లో ఏర్పాటుచేసిన ప్రెస్ మీట్ లో మాట్లాడిన వెట్రీ.. కీలక వ్యాఖ్యలు చేశారు. ‘అడాకులం’ సినిమా తర్వాత ‘వడ చెన్నై’ స్క్రిప్ట్‌తో అల్లు అర్జున్‌ను కలిశానని, కానీ పలు కారణాల వల్ల ఆ ప్రాజెక్ట్‌ ఓకే కాలేదని అన్నారు. తర్వాత ‘వడ చెన్నై’ సినిమా ధనుష్‌కు తిరుగులేని క్రేజ్‌ తెచ్చిపెట్టిన విషయం అందరికీ తెలిసిందే. దీంతో అల్లుఅర్జున్‌ ‘గోల్డెన్‌ ఛాన్స్’ మిస్ చేసుకున్నాడని నెటీజన్‌లు అభిప్రాయపడుతున్నారు.
ఇక బన్ని ప్రస్తుతం పుష్ప2(Pushpa2) సినిమా షూటింగ్లో బిజీగా ఉన్న సంగతి తెలిసిందే. సుకుమార్(Sukumar) దర్శకత్వంలో రూపొందుతున్న ఈ సినిమాపై భారీ అంచనాలే ఉన్నాయి. ఈ సినిమా పూర్తయిన వెంటనే సందీప్ రెడ్డి వంగా దర్శకత్వంలో అల్లు అర్జున్ నటించనున్నారు.
