Adipurush: ప్రీ రిలీజ్ ఈవెంట్ ఎక్కడో తెలుసా?
Tirupati: పాన్ ఇండియా స్టార్ ప్రభాస్(Prabhas) నటిస్తున్న మైథలాజికల్ సినిమా ఆదిపురుష్(Adipurush). ఈ సినిమాలో ప్రభాస్ రాముడిగా కనిపిస్తుండగా, బాలీవుడ్(Bollywood) బ్యూటీ కృతి సనన్(Kriti sanon) సీతగా కనిపించనుంది. రామాయణం ఆధారంగా తెరకెక్కిన ఈ సినిమాను బాలీవుడ్ డైరెక్టర్ ఓం రౌత్(Om Raut) రూపొందించారు. రావణుడిగా బాలీవుడ్ నటుడు సైఫ్ అలీఖాన్(Saif alikhan) నటించారు. ఎన్నో వాయిదాలు, వివాదాల నడుమ తెరకెక్కిన ఈ సినిమా ఎట్టకేలకు జూన్ 16న ప్రపంచ వ్యాప్తంగా విడుదలకానుంది. కాగా చిత్రబృందం ప్రమోషన్స్ స్పీడు పెంచింది. ఇటీవలే ట్రైలర్తో పాజిటివ్ టాక్ తెచ్చుకున్న సినిమాపై మరిన్ని అంచనాలు క్రియేట్ చేసేలా ‘జై శ్రీరామ్’ లిరికల్ సాంగ్ను విడుదల చేశారు. ఇక తాజాగా ఈ సినిమా ప్రీ రిలీజ్ ఈవెంట్కి సంబంధించిన విశేషాలను ప్రకటించారు మేకర్స్.
ఆదిపురుష్ ప్రీరిలీజ్ ఈవెంట్ను జూన్ 6న తిరుపతి(Tirupati)లో నిర్వహించనున్నట్లు ప్రకటించారు మేకర్స్. కాగా, ఈ ఈవెంట్కి దర్శకధీరుడు రాజమౌళి ముఖ్య అతిథిగా వస్తారని వార్తలు వినిపిస్తున్నాయి. కానీ దీనిపై అధికారిక ప్రకటన వెలువడలేదు. కాగా, ప్రభాస్‌‌ను పాన్ ఇండియా స్టార్‌‌గా నిలబెట్టిన ‘బాహుబలి: ది బిగినింగ్’ ఆడియో లాంచ్ ఈవెంట్ కూడా తిరుపతిలోనే జరిగింది. తిరుపతి ఎస్వీ గ్రౌండ్స్‌లో 2015 జూన్ 13న ఆడియో లాంచ్ ఈవెంట్ నిర్వహించారు. మళ్లీ ఇప్పుడు ఎనిమిదేళ్ల తరవాత తిరుపతిలో ప్రభాస్ సినిమా ‘ఆదిపురుష్’ ప్రీ రిలీజ్ ఈవెంట్ జరగబోతోంది. ఈ సినిమా కూడా సూపర్ హిట్ అవ్వాలని కోరుకుంటున్నారు ఫ్యాన్స్.
🔔 Get ready for a cinematic pilgrimage like no other ⏰ ✨
Mark your calendars for June 6th as #Adipurush descends upon the sacred grounds of Tirupati for an epic Pre-Release Event! 🔥
Prepare for an unforgettable journey into the realm of pure cinematic wonder 🔥 🎬… pic.twitter.com/PJ8zaHoubx
— UV Creations (@UV_Creations) May 24, 2023
