RC16: బ‌రిలోకి ఏ.ఆర్ రెహమాన్.. ఫ్యాన్స్కి పండగే!
ఆర్ఆర్ఆర్ సినిమాతో గ్లోబల్ స్టార్గా మారిపోయారు మెగా పవర్స్టార్ రామ్ చరణ్. బాలీవుడ్ నుంచే కాకుండా హాలీవుడ్ నుంచి కూడా అవకాశాలు అందుకుంటున్నారంటే చెర్రీ క్రేజ్ ఏ రేంజ్లో ఉందో అర్థం చేసుకోవచ్చు. ఇక, ప్రస్తుతం చెర్రీ కోలీవుడ్ స్టార్ డైరెక్టర్ శంకర్ దర్శకత్వంలో రూపొందుతున్న సినిమాలో నటిస్తున్న సంగతి తెలిసిందే. RC15గా తెరకెక్కిన ఈ సినిమాకి తాజాగా గేమ్ ఛేంజర్ టైటిల్ ఖరారు చేశారు మేకర్స్. ప్రస్తుతం చెర్రీ ఈ సినిమా రెగ్యులర్ షూటింగ్కి బ్రేక్ ఇచ్చి హాలిడే వెకేషన్ ఎంజాయ్ చేస్తున్నారు. ఇటీవలే దుబాయ్లో ఘనంగా తన శ్రీమతి ఉపాసన సీమంతాన్ని సెలబ్రేట్ చేసిన సంగతి తెలిసిందే. ఇప్పుడు చెర్రీ మాల్దీవ్స్లో ఉన్నారు. కాగా, ఈ ట్రిప్ నుంచి రాగానే మళ్లీ షూటింగ్లో భాగం కానున్నారు. అయితే ఈ సినిమా పూర్తవగానే చెర్రీ ఉప్పెన ఫేమ్ బుచ్చిబాబుతో తన తదుపరి సినిమా చేయబోతున్న సంగతి తెలిసిందే. ఈ సినిమా స్పోర్ట్స్ బ్యాక్ డ్రాప్ తో ఉండబోతుందని ఇప్పటికే అధికారికంగా ప్రకటించారు మేకర్స్.
ప్రస్తుతం ఈ మూవీ ప్రీ ప్రొడక్షన్ వర్క్స్ జరుగుతున్నాయి. సినిమా స్క్రిప్ట్ మొత్తం కంప్లీట్ గా పూర్తి అయ్యిపోయినట్లు ఇటీవలే దర్శకుడు బుచ్చిబాబు తెలియజేశాడు. కాగా ఈ చిత్రానికి స్వరమాంత్రికుడు ఎ ఆర్ రెహమాన్ సంగీతం అందించబోతున్నారని తెలుస్తోంది. తన మ్యూజిక్తో ఆస్కార్ అందుకున్న రెహమాన్ గ్లోబల్ వైడ్ పాపులారిటీ సంపాదించుకున్న చరణ్ సినిమాకి సంగీతం ఇవ్వబోతున్నాడు అంటే అభిమానుల్లో అంచనాలు పెరిగిపోతున్నాయి. త్వరలోనే రెహమాన్ ని ఈ ప్రాజెక్ట్ లోకి ఆహ్వానం పలుకుతూ అధికారికంగా ప్రకటించనున్నారట. ఇక ఇదే నిజమైతే ఫ్యాన్స్కి పండగే.
అంతేకాదు, ఈ చిత్రంలో రామ్ చరణ్ కి జోడిగా జాన్వీ కపూర్ ని ఎంపిక చేయాలనీ చిత్ర యూనిట్ ఆలోచిస్తున్నట్లు తెలుస్తోంది. ఎన్టీఆర్30తో యంగ్టైగర్ ఎన్టీఆర్ సరసన టాలీవుడ్ ఎంట్రీ ఖరారు చేసిన జాన్వీ చెర్రీతోనూ జతకడితే భాగుంటుందని భావిస్తున్నారు అభిమానులు. మైత్రీ మూవీ మేకర్స్ నిర్మిస్తున్న ఈ సినిమాని త్వరగా పట్టాలు ఎక్కించి వచ్చే ఏడాది సెకండ్ హాఫ్ లో రిలీజ్ చేయడానికి ప్లాన్ చేస్తున్నారట మేకర్స్. ఈ క్రమంలో త్వరలోనే ఈ సినిమా పూజా కార్యక్రమాలు పూర్తిచేసి అధికారికంగా లాంఛ్ చేయనున్నారని తెలుస్తోంది.
