Samantha: యంగ్ హీరోతో నెక్ట్స్ సినిమా!
Hyderabad: టాలీవుడ్ స్టార్ హీరోయిన్ సమంత(Samantha) నటిస్తున్న తాజా చిత్రం ఖుషి(Kushi). శివ నిర్వాణ దర్శకత్వంలో రూపొందుతున్న ఈ సినిమాలో విజయ్ దేవరకొండ(Vijay Deverakonda), సమంత జంటగా నటిస్తున్నారు. దీంతో పాటు పాపులర్ వెబ్ సిరీస్ సిటాడెల్ ఇండియన్ వెర్షన్ లోనూ నటిస్తోంది సమంత. ఇటీవల రిలీజైన శాకుంతలంతో తన కెరీర్లోనే బిగ్గెస్ట్ డిజాస్టర్ని అందుకున్న సామ్ తదుపరి ప్రాజెక్ట్స్పై దృష్టి పెట్టింది. కాగా, సమంత తదుపరి సినిమా గురించి ఓ ఆసక్తికర వార్త చక్కర్లు కొడుతోంది. డైరెక్టర్ నందినీ రెడ్డి(Nandini Reddy) దర్శకత్వంలో సిద్ధు జొన్నలగడ్డ(Siddu Jonnalagadda), సమంత జంటగా ఓ సినిమా తెరకెక్కనుందట.
జబర్దస్త్‌, ఓ బేబి వంటి సినిమాలతో సామ్, నందిని మధ్య మంచి సాన్నిహిత్యం ఏర్పడింది. ఈ క్రమంలోనే సామ్‌తో ఈ న్యూఏజ్‌ లవ్‌స్టోరీని తెరకెక్కంచనుందట. డీజే టిల్లుతో తిరుగులేని పాపులారిటీ సంపాదించుకున్న సిద్దూ ప్రస్తుతం ఆ సినిమా సీక్వెల్‌లో నటిస్తున్నాడు. కాగా నందిని రెడ్డి తాజాగా సిద్ధూను కలిసి ఓ కథ వినిపించిందని టాక్‌. అమ్మాయి కన్నా తక్కువ వయసున్న అబ్బాయి.. వాళ్లిద్దరి మధ్య ప్రేమ.. ఇలా ఏజ్‌గ్యాప్‌ లవ్‌స్టోరీ కాన్సెప్ట్‌తో ఓ కథను సిద్ధం చేసిందట.
సిద్ధూ కూడా కథను ఒకే సిట్టింగ్‌లో ఒకే చేశాడట. ఇక ఆయనకు జోడీగా సమంతను ఫిక్స్‌ చేసిందట నందిని రెడ్డి. కాగా, ఈ జంటపై ఇప్పటికే నెట్టింట ట్రోల్స్ మొదలయ్యాయి. ఈ మధ్య లేడీ ఓరియెంటెడ్ సినిమాలు లేదా యంగ్ హీరోలతోనే సమంత నటిస్తోందనీ, అంటే తనకు స్టార్ హీరోల సినిమాలో ఛాన్స్ రావట్లేదంటూ ట్రోల్ చేస్తున్నారు నెటిజన్లు.
