Adipurush: ‘జై శ్రీరామ్..’ ఫుల్ సాంగ్ వ‌చ్చేసింది..!
Hyderabad: పాన్ ఇండియా స్టార్ ప్రభాస్ నటించిన మైథలాజికల్ మూవీ ఆదిపురుష్(Adipurush). ప్రముఖ ఇతిహాసం రామాయణం(Ramayanam) ఆధారంగా తెరకెక్కిన ఈ సినిమాని బాలీవుడ్ డైరెక్టర్ ఓం రౌత్(Om Raut) రూపొందించారు. ఈ సినిమాలో ప్రభాస్ రాముడిగా కనిపిస్తుండగా బాలీవుడ్ బ్యూటీ కృతి సనన్(Kriti Sanon) సీతగా కనిపించనుంది. ఇక రావణుడిగా సైఫ్ అలీఖాన్(Saif Ali khan) నటించారు. అనేక వివాదాలు, విమర్శల మధ్య రూపొందిన ఈ సినిమాని జూన్ 16న ప్రపంచ వ్యాప్తంగా విడుదల చేసేందుకు సిద్ధమయ్యారు మేకర్స్.
టీజర్ రిలీజ్తో నెగెటివ్ టాక్ అందుకుని ట్రోల్స్ బారిన పడిన చిత్రబృందం సినిమా విడుదల వాయిదా వేసి మరీ గ్రాఫిక్స్పై దృష్టి పెట్టింది. ఈ శ్రమకు ఫలితంగా ‘జై శ్రీరామ్’ ప్రోమో, ట్రైలర్ విడుదలతో ఆదిపురుష్పై చాలావరకు పాజిటివ్ టాక్ వస్తోంది. ఇక ఈ నేపథ్యంలో డైరెక్టర్ ఓం రౌత్ వరుస అప్డేట్లు, పోస్టర్లతో అభిమానులకు సర్ప్రైజ్లు ఇస్తున్నారు. తాజాగా ‘జై శ్రీరామ్’ పూర్తి పాటను రిలీజ్ చేయబోతున్నట్లు ప్రకటించారు. మే 20న జై శ్రీరామ్ పూర్తి పాట అందుబాటులోకి రానుంది. ఇక ప్రభాస్ అభిమానులతోపాటు సినీ వర్గాలు ఎంతో ఆసక్తిగా ఎదురు చూస్తున్న ఈ సినిమా జూన్ 16న ప్రపంచ వ్యాప్తంగా విడుదల కానుంది.
