Bichagadu 2: సెంటిమెంట్తో అదరగొట్టిన విజయ్ ఆంటోనీ!
Hyderabad: బిచ్చగాడు(Bichagadu) సినిమాతో అటు కోలీవుడ్తోపాటు ఇటు టాలీవుడ్లోనూ అభిమానులను సంపాదించుకున్న హీరో విజయ్ ఆంటోనీ(Vijay Antony). 2016లో వచ్చిన బిచ్చగాడు సినిమాకు సీక్వెల్ బిచ్చగాడు2(Bichagadu2)తో ఈ రోజు ప్రేక్షకుల ముందుకు వచ్చారు. ఇక ఈ సినిమాకు విజయ్ స్వయంగా దర్శకత్వం వహించడం విశేషం. అంతేకాదు ఈ సినిమాను విజయ్ భార్య ఫాతిమా ఆంటోనీ నిర్మించారు. ఈ సినిమాలో కావ్య థాపర్(Kavya Thapar) హీరోయిన్గా నటించింది. తమిళంతోపాటు తెలుగులోనూ విడుదలైన ఈ సినిమా సెంటిమెంట్, ఫ్యామిలీ డ్రామాతో ప్రేక్షకులను విపరీతంగా ఆకట్టుకుంటోంది.
బిచ్చగాడు సినిమాలో తల్లిపై అంతులేని ప్రేమతో ఆమె ఆరోగ్యం కోసం ఏం చేయడానికైనా వెనకాడని కొడుకుగా మెప్పించిన విజయ్ ఈసారి చెల్లి సెంటిమెంట్తో అదరగొట్టారు. ఈ సినిమాలో విజయ్ ద్విపాత్రాభినయంతో మెప్పించారు. బిచ్చగాడు సత్య పాత్రతో పాటు బిలీనియర్గానూ నటించారు. బిలీనియర్ అయిన హీరో అనుకోని పరిస్థితుల్లో ప్రమాదానికి గురవడం, బ్రెయిన్ డెడ్తో దాదాపు చావు అంచులవరకు వెళ్లిన హీరోను బ్రెయిన్ ట్రాన్స్ప్లాంటేషన్తో బతికించడంతో సినిమా అసలు కథ మొదలవుతుంది. బిచ్చగాడుగా ఉన్న సత్య బిలీనియర్గా ఎలా మారాడు? ప్రతిసారి మోసపోయిన బిచ్చగాడు చివరకు ఎలా గెలిచాడు? చిన్నతనంలో విడిపోయిన తన చెల్లి రాణిని కలుసుకున్నాడా, లేదా? అనే ప్రశ్నలకు సమాధానం తెలుసుకోవాలంటే సినిమా చూడాల్సిందే.
