2018 Movie: ఒక్క భాషలోనే 100 కోట్లు వసూలు !
Kerala: ఇండియన్ సినిమాలో మాలీవుడ్(Mollywood)ది పత్యేక స్థానం. తక్కువ బడ్జెట్ తో వాస్తవిక కథల ఆధారంగా స్థానికతకు దగ్గరగా ఉండే చిత్రాలకు మాలీవుడ్ ప్రసిద్ధి. మలయాళ చిత్ర సీమ(Malayalam Cinema)లో రూపొందిన చాలా సినిమాలు తెలుగులోనూ రీమేక్ అయి టాలీవుడ్ ప్రేక్షకులను మెప్పించాయి. ఇక ఇటీవల రిలీజైన 2018 సినిమా(2018 movie) బాక్సాఫీస్ దగ్గర రికార్డులు సృష్టిస్తోంది. రూ.15కోట్ల బడ్జెట్తో రూపొందిన ఈ చిత్రం మే 5న రిలీజ్ అయ్యింది. కాగా కేవలం పది రోజుల్లోనే రూ.100కోట్ల కలెక్షన్లను రాబట్టింది. అది కూడా ఇండియా రేంజ్లో కాకుండా కేవలం మాలీవుడ్లో ఈ కలెక్షన్స్ను అందుకోవడం విశేషం.
టోవినో థామస్‌(Tovino Thomas) హీరోగా జూడ్‌ ఆంథనీ జోసెఫ్‌ డైరెక్షన్‌లో రూపొందిన చిత్రం ‘2018’. ‘ఎవ్రీవన్‌ ఈజ్‌ ఏ హీరో’ అనేది క్యాప్షన్‌. క్యాప్షన్‌కు తగ్గట్లే ఈ కథ నడుస్తుంది. అంటే ఈ చిత్రంలో ప్రతిఒక్కరూ హీరోలే అని అర్థం. ఈ చిత్రంవాస్తవ ఘటనల ఆధారంగా తెరకెక్కింది. 2018లో కేరళను వరదలు అతలాకుతలం చేశాయి. వందల మంది మరణించారు.. లక్షలాది జనాలు నిరాశ్రయులయ్యారు. ఆ నేపథ్యాన్నే కథాంశంగా తీసుకుని డైరెక్టర్‌ జూడ్‌ ఆంథనీ సినిమాను తెరకెక్కించారు. సామాన్యులు హీరోలుగా మారితే ఎలా ఉంటుందనేది చిత్రసారాంశం. ఆకస్మాత్తుగా పోటెత్తిన వరదలతో అతలాకుతలమైన ఓ ప్రాంతంలో సహాయక చర్యలు ఏ విధంగా సాగాయి? ఆ సహాయక చర్యల్లో అక్కడి ప్రజలు ఎలా భాగమయ్యారు? చివరికి ఏం జరిగిందనేదే ఈ చిత్ర కథ. ఈ సినిమాను తెలుగులోనూ డబ్ చేసేందుకు ప్లాన్ చేస్తున్నారట మేకర్స్.
