Mem Famous: నేచురల్ స్టార్ చేతుల మీదుగా ట్రైలర్ రిలీజ్!
Hyderabad: కొత్త దర్శకులను ప్రోత్సహించడంలో ముందుంటారు నేచురల్ స్టార్ నాని(Nani). దాదాపు నాని చేసే సినిమాలన్నీ కొత్త దర్శకులతోనే వస్తుంటాయి. అలా చాలామంది దర్శకులను వెండితెరకు పరిచయం చేశాడు నాని. తన సినిమాలే కాదు వేరే హీరోల సినిమాలు చేసి దర్శకుడిగా తొలి అడుగు వేసిన వారిని వెన్ను తట్టి ప్రోత్సహిస్తుంటారు. ఇక తాజాగా మరో కొత్త దర్శకుడు రూపొందించిన సినిమా ట్రైలర్ రిలీజ్ చేసి చిత్రబృందానికి శుభాకాంక్షలు తెలియజేశారు నాని.
సుమంత్ ప్రభాస్(Sumanth Prabhas), మణి ఎగుర్ల, మౌర్య చౌదరి ప్రధాన పాత్రలుగా నటిస్తున్న చిత్రం మేం ఫేమస్(Mem Famous). ఛాయ్ బిస్కెట్స్ ఈ సినిమాను నిర్మిస్తుంది. ఇక హీరోగా నటించిన సుమంత్ ప్రభాసే ఈ సినిమాకు దర్శకత్వం వహిస్తున్నాడు. గతంలో పిల్ల పిల్లగాడు అనే వెబ్ సిరీస్ తో సుమంత్.. మంచి పేరునే తెచ్చుకున్నాడు. ఇక ఈ సిరీస్ తరువాత.. కొన్ని మ్యూజిక్ ఆల్బమ్స్ చేసిన సుమంత్.. మొదటి సారి ఈ సినిమాకు దర్శకత్వం వహిస్తున్నాడు. ఇక తాజాగా ఈ సినిమా ట్రైలర్ ను నేచురల్ స్టార్ నాని రిలీజ్ చేసి.. చిత్ర బృందానికి బెస్ట్ విషెస్ తెలిపారు.
ఒక ఊర్లో పనీపాటా లేకుండా తిరిగే ముగ్గురు స్నేహితులు తాము ప్రేమించిన అమ్మాయిలను దక్కించుకోడానికి ఏం చేశారనేదే ఈ సినిమా కథ. ట్రైలర్ చూస్తుంటే కామెడీ, సెంటిమెంట్, ఫ్యామిలీ డ్రామా కలగలిపిన మంచి సినిమాగా అర్థమవుతోంది. యువత తలుచుకుంటే ఏదైనా సాధించగలదు అనే స్టోరీ లైన్తో ఈ సినిమాను రూపొందించారు. ఇక ఈ ట్రైలర్లో‘బర్త్ డే నాడు ఎవడైనా కేక్ కట్ చేయిస్తాడు… కల్లు తాపిస్తాడా?’ అని హీరోయిన్ అడగడం.. ‘నేను తాపిస్తా’ అని హీరో చెప్పడం క్రేజీగా ఉంది. ఈ సినిమా మే 26 న ప్రేక్షకుల ముందుకు వస్తుంది .
