Spy Teaser: అసలు నిజమేంటో చెబుతాం!
Hyderabad: టాలీవుడ్ యంగ్ హీరో నిఖిల్ సిద్దార్థ (Nikhil Siddhartha) బ్యాక్ టు బ్యాక్ హిట్లతో ఫుల్ఫామ్లో ఉన్నాడు. కార్తికేయ 2తో (Karthikeya 2) పాన్ ఇండియా రేంజ్ హిట్ అందుకున్న నిఖిల్ స్పై (SPY) సినిమాతో మరోసారి ప్రేక్షకుల ముందుకు రానున్నారు. ఇప్పటికే ఈ సినిమా నుంచి రిలీజైన ఫస్ట్ గ్లింప్స్ ప్రేక్షకులను బాగా ఆకట్టుకుంది. ఇక ఈ సినిమా ప్రముఖ స్వాతంత్య్ర సమరయోధుడు సుభాష్ చంద్రబోస్ (Subhas Chandrabose) మరణం వెనుక ఉన్న రహస్యాల ఆధారంగా తెరకెక్కుతోందని ప్రకటించి ప్రేక్షకుల్లో మరింత ఆసక్తి పెంచారు.
తాజాగా ఈ సినిమా టీజర్ ని రిలీజ్ చేశారు. దేశ రాజధాని ఢిల్లీలోని సుభాష్ చంద్రబోస్ విగ్రహం ఉండే కర్తవ్యపథ్ దగ్గర ఈ టీజర్ ని విడుదల చేయడం విశేషం. ఇక ఈ టీజర్ అభిమానులను విపరీతంగా ఆకట్టుకుంటోంది. ‘సుభాష్ చంద్రబోస్ విమాన ప్రమాదంలో చనిపోయాడు అంటూ మనం చదువుకున్నాం. అయితే ఒక కవర్ స్టోరీ అని, అసలు నిజం ఈ సినిమాతో చెబుతాం’ అంటున్నాడు నిఖిల్. టీజర్ చూస్తుంటే.. సినిమాలో ఓ రేంజ్ యాక్షన్ సన్నివేశాలు ఉండబోతున్నాయని తెలుస్తోంది. ఇక ఈ సినిమాలో నిఖిల్కు జోడీగా ఐశ్వర్య మీనన్ (Iswarya Menon)నటిస్తోంది. గ్యారీ దర్శకత్వం వహిస్తున్న ఈ సినిమాకు శ్రీచరణ్ పకల సంగీతం అందిస్తున్నారు.
