‘నయన్ స్వీట్ పర్సన్’ అని కితాబిచ్చిన షారుఖ్!
Hyderabad: లేడీ సూపర్స్టార్ నయనతార(Nayanthara), కింగ్ ఖాన్ షారుఖ్ ఖాన్ (Shah Rukh Khan) జంటగా నటిస్తున్న చిత్రం ‘జవాన్’(Jawan). పఠాన్(Pathan) సినిమా సక్సెస్తో ఫుల్ జోష్లో ఉన్న షారుఖ్ ఈ సినిమాని త్వరగా పూర్తి చేసే పనిలో పడ్డారు. ఇక ఈ సినిమాను కోలీవుడ్ డైరెక్టర్ అట్లీ(Atlee) రూపొందిస్తున్నారు. భారీ బడ్జెట్తో రూపొందుతున్న జవాన్ సినిమా విడుదల పలు కారణాల వల్ల వాయిదా పడింది. సెప్టెంబర్ 7న ఈ సినిమాను విడుదల చేసేందుకు సిద్దమవుతున్నారు మేకర్స్.
జవాన్ సినిమా విడుదల తేదీని సోషల్ మీడియాలో ప్రకటించిన కింగ్ ఖాన్ ఈ సినిమా అన్ని కమర్షియల్ హంగులతో అందరినీ ఆకట్టుకునే యాక్షన్ మూవీ అని చెప్పుకొచ్చారు. తాజాగా షారుఖ్ నయనతార గురించి ఆసక్తికర కామెంట్స్ చేశారు. ‘నయన్ అందగత్తే కాదు, చాలా స్వీట్ పర్సన్’ అంటూ ఆమెపై తన అభిమానాన్ని వెల్లడించారు. ఈ కామెంట్స్ ప్రస్తుతం వైరల్గా మారాయి. నయనతార, విఘ్నేష్ శివన్ పెళ్లికి షారుఖ్ హాజరైన సంగతి తెలిసిందే.
జవాన్ సినిమాలో విలన్గా కోలీవుడ్ నటుడు విజయ్ సేతుపతి(Vijay Sethupathi) నటిస్తున్నారు. విజయ్ ప్రతిభావంతుడైన నటుడంటూ, తన నుంచి చాలా విషయాలు నేర్చుకున్నానంటూ షారుఖ్ ప్రశంసించారు. అంతేకాదు అనిరుధ్ రవిచందర్ సంగీతం అందిస్తున్న ఈ సినిమాలో షారుఖ్ కొన్ని జింగిల్స్ పాడినట్లు చెప్పుకొచ్చారు.
