Sudigali Sudheer: ఆ ఛాన్సులు వ‌దులుకుని.. సుధీర్‌కి ఓకే చెప్పింది
Hyderabad: బుల్లితెరపై కమెడియన్గా, యాంకర్గా పలు షోలతో అలరించిన సుడిగాలి సుధీర్(Sudigali Sudheer) సినిమాల్లోనూ సత్తా చాటుతున్నాడు. ఇప్పటికే పలు సినిమాల్లో సైడ్ క్యారెక్టర్స్ చేసిన సుధీర్ ఇప్పటికే మూడు సినిమాలు హీరోగా చేశాడు. తాజాగా సుధీర్ నాలుగో సినిమా SS4 కూడా ఘనంగా ప్రారంభమైంది. ఇక ఈ మూవీలో తమిళ బ్యూటీ దివ్య భారతి(Divya Bharathi) హీరోయిన్ గా నటిస్తుందని చిత్రబృందం అధికారికంగా ప్రకటించింది. శుక్రవారం రామానాయుడు స్టూడియోస్(Rama Naidu Studios)లో ఘనంగా పూజా కార్యక్రమాలు జరిగాయి.
హీరోగా సుడిగాలి సుధీర్ నాలుగో సినిమాకు నరేష్ కుప్పిలి దర్శకుడు. మహాతేజా క్రియేషన్స్, లక్కీ మీడియా సంస్థలు ఈ సినిమాను ప్రొడ్యూస్ చేస్తున్నాయి. గతేడాది ‘గాలోడు'(Gaalodu)తో థియేటర్లలో సందడి చేసిన సుధీర్ తన నెక్స్ట్ మూవీతో ప్రేక్షకుల ముందుకు రానున్నాడు. అంతే కాదు ఈ సినిమాలో హాట్ బ్యూటీ దివ్యభారతి హీరోయిన్ గా నటించనుంది. తన మొదటి సినిమా అయిన ‘బ్యాచిలర్’ తో యూత్ లో మంచి క్రేజ్ ని సొంతం చేసుకుంది దివ్యభారతి. ఆ తర్వాత రెండో చిత్రంగా ‘మధిల్ మెల్ కాదల్’ అనే తమిళ సినిమాలో నటించింది. ఇప్పుడు మూడో సినిమాతో టాలీవుడ్ లోకి ఎంట్రీ ఇవ్వబోతోంది. టాలీవుడ్లో చాలామంది హీరోల సరసన అవకాశం వచ్చినా ఈ బ్యూటీ మాత్రం సుధీర్ సినిమాకే ఓకే చెప్పిందట. మరి ఈ జంట తెలుగు ప్రేక్షకులను ఎలా మెప్పిస్తుందో చూడాలి.
