Priyamani: చిరంజీవితో కలిసి నటించాలని ఉంది!
Hyderabad: తన అందం, అభినయంతో జాతీయ ఉత్తమ నటి అవార్డు అందుకున్న దక్షిణాది హీరోయిన్ ప్రియమణి(Priyamani) . కెరీర్ తొలినాళ్లలోనే స్టార్ హీరోలు, స్టార్ డైరెక్టర్లతో కలిసి పని చేసిన ఈ భామ సెకండ్ ఇన్నింగ్స్లోనూ భిన్నమైన పాత్రలను ఎంచుకుంటూ సక్సెస్ఫుల్గా సాగుతోంది. తాజాగా నాగ చైతన్య (Naga chaitanya) నటించిన కస్టడీ (Custody) సినిమాలో ఓ కీలకపాత్రలో కనిపించనుంది. కోలీవుడ్ డైరెక్టర్ వెంకట్ ప్రభు దర్శకత్వంలో రూపొందిన ఈ ద్విభాషా చిత్రం మే 12న తెలుగుతోపాటు తమిళంలోనూ విడుదల కానుంది. ఈ సందర్భంగా ప్రమోషన్లతో బిజీగా ఉంది చిత్రబృందం. ఈ సినిమాలో ప్రియమణి ముఖ్యమంత్రిగా అలరించనుంది. తాజాగా ఓ ఇంటర్వ్యూలో పాల్గొన్న ప్రియమణి పలు ఆసక్తికర విషయాలు చెప్పకొచ్చింది.
‘వెంకట ప్రభులాంటి టాలెంటెడ్ దర్శకుడు రూపొందించిన ‘కస్టడీ’ లాంటి గొప్ప సినిమాలో నటించడం ఆనందంగా ఉంది. ప్రతి సన్నివేశాన్ని అర్థమయ్యేలా వివరంగా చెబుతారు. నాగ చైతన్య నాకు చాలా సంవత్సరాలుగా తెలుసు. కానీ ఈ సినిమాలో మొదటిసారి కలిసి పనిచేశాం. మా కాంబినేషన్‌ కచ్చితంగా ప్రేక్షకులను ఆకట్టుకుంటుంది. వెంకట్ గారు ఈ కథ చెప్పగానే నాకు చాలా నచ్చింది, వెంటనే ఓకే చెప్పేశా. దాదాపుగా టాలీవుడ్లోని స్టార్ హీరోలందరితో నేను వర్క్‌ చేశాను. బాలకృష్ణ, వెంకటేష్‌, నాగార్జున అందరి సినిమాల్లోనూ నటించాను. కానీ చిరంజీవి గారితో (Chiranjeevi) మాత్రం ఒక్క సినిమా కూడా చేసే అవకాశం రాలేదు. చిన్న పాత్రలో అయినా ఆయనతో కలిసి నటించాలని ఉంది. షారుఖ్ ఖాన్ అంటే నాకు చాలా ఇష్టం’ అంటూ చెప్పుకొచ్చింది ప్రియమణి.
ఇక కస్టడీ సినిమా రిలీజ్ తేదీ దగ్గర పడుతుండటంతో ప్రమోషన్స్ జోరు పెంచింది చిత్రబృందం. ఇటీవలే ప్రీ రిలీజ్ ఈవెంట్ని కూడా గ్రాండ్గా నిర్వహించారు. ఈ సందర్భంగా రిలీజ్ చేసిన ట్రైలర్ కూడా ప్రేక్షకులను ఆకట్టుకుంటోంది. ఈ సినిమాలో నాగచైతన్య సరసన ఉప్పెన బ్యూటీ కృతి శెట్టి(Kriti Shetty) హీరోయిన్గా నటించింది.
