Adipurush Trailer Release: AMB మాల్కు ప్రభాస్.. ఇంకా ఎన్నో స‌ర్‌ప్రైజెస్!
Hyderabad: యంగ్ రెబల్ స్టార్ ప్రభాస్(Prabhas) నటిస్తున్న మోస్ట్ అవెయిటెడ్ మూవీ ఆదిపురుష్(Adipurush). ప్రముఖ ఇతిహాసం రామాయణం(Ramayanam) ఆధారంగా రూపొందుతున్న ఈ పాన్ ఇండియా సినిమాలో ప్రభాస్ శ్రీరాముడిగా, బాలీవుడ్ భామ కృతి సనన్(Kriti sanon) సీతగా, సైఫ్ అలీ ఖాన్ (Saif Ali Khan)రావణుడిగా కనిపించనున్నారు. బాలీవుడ్ ప్రముఖ దర్శకుడు ఓం రౌత్(Om Raut) రూపొందించిన ఈ సినిమా జూన్ 16న ప్రేక్షకుల ముందుకు రానుంది. ఈ సందర్భంగా ప్రమోషన్స్ ప్రారంభించిన చిత్రబృందం వరుస అప్డేట్స్తో సినిమాపై బజ్ క్రియేట్ చేస్తోంది. ఈ సినిమా నుంచి ఇదివరకు విడుదలైన టీజర్ ప్రేక్షకులను నిరాశపరచగా మే 9న ట్రైలర్ రిలీజ్ చేయనున్నట్లు ప్రకటించింది చిత్రబృందం. కాగా, ఈ ట్రైలర్ని పాన్ వరల్డ్ రేంజ్లో 70 దేశాల్లో గ్రాండ్గా విడుదల చేస్తున్నారు. ఈ సందర్భంగా అభిమానులతో కలిసి ఈ సినిమా ట్రైలర్ రిలీజ్ చేయడానికి డార్లింగ్ ప్రభాస్ హైదరాబాద్లోని ఏఎంబీ మాల్(AMB Mall)లో సందడి చేయనున్నారు.
పాన్ ఇండియా సినిమాగా తెరకెక్కిన ఈ సినిమా ప్రారంభం నుంచీ పలు వివాదాలను ఎదుర్కొంటోంది. 400 కోట్ల భారీ బడ్జెట్ తో ఈ సినిమాని తెరకెక్కిస్తుండగా సినిమాపై భారీ అంచనాలు నెలకొన్నాయి. కాగా ఇదివరకే రిలీజైన టీజర్పై సర్వత్రా విమర్శలు రావడంతో రిలీజ్ని వాయిదావేసి గ్రాఫిక్స్పై మరింత వర్క్ చేస్తోంది చిత్రబృందం. ఆదిపురుష్ సినిమా రిలీజ్ డేట్ ప్రకటించిన మేకర్స్, ప్రమోషన్స్ కూడా స్టార్ట్ చేశారు. ఇప్పటికే జై శ్రీరామ్ అనే లిరికల్ సాంగ్, కొన్ని పోస్టర్స్ రిలీజ్ చేయగా ఇప్పుడు ఆదిపురుష్ సినిమా ట్రైలర్ ని రిలీజ్ చేయడానికి రెడీ అయ్యింది చిత్రయూనిట్. తెలుగు రాష్ట్రాలతోపాటు దేశవ్యాప్తంగా ఉన్న ప్రభాస్ అభిమానులు ఈ ట్రైలర్ కోసం ఎంతగానో ఎదురుచూస్తున్నారు. సినిమా రిలీజ్ కు ఏకంగా నెల రోజుల ముందే ట్రైలర్ ని విడుదల చేయడం విశేషం.
