Jawan: న‌య‌న్-షారుక్ మూవీ.. రిలీజ్ డేట్ ఫిక్స్
Mumbai: బాలీవుడ్(Bollywood) బాద్సా షారుఖ్ ఖాన్(Shah Rukh Khan) ‘పఠాన్’(Pathan) సినిమాతో బ్లాక్బస్టర్ హిట్ అందుకున్నారు. స్పై యాక్షన్ థ్రిల్లర్ రూపొందిన ఈ సినిమా బాక్సాఫీస్ వద్ద కలెక్షన్ల సునామీ సృష్టించింది. చాలాకాలంగా హిట్కోసం ఎదురు చూస్తున్న షారుఖ్కి ఈ సినిమా బూస్ట్ ఇచ్చినట్లయింది. అందుకే తన తదుపరి సినిమా అయిన జవాన్(Jawan)ని త్వరగా పూర్తి చేసే పనిలో పడ్డారు. ఈ సినిమాని కోలీవుడ్ దర్శకుడు అట్లీ(Atlee) రూపొందిస్తున్నారు.
ఈ సినిమా అనౌన్స్మెంట్ చాలారోజుల కిందే వచ్చినా విడుదల తేదీని వాయిదా వేస్తూ వచ్చారు మేకర్స్. కాగా ప్రస్తుతం ఈ సినిమా రిలీజ్ డేట్ని అనౌన్స్ చేసి అభిమానులను సర్ప్రైజ్ చేశారు. ఈ సినిమాలో షారుఖ్ మరోసారి తనదైన యాక్షన్‌తో ప్రేక్షకులను మెస్మరైజ్ చేసేందుకు రెడీ అవుతున్నారు. ఈ సినిమాలో తమిళ వర్సటైల్ యాక్టర్ విజయ్ సేతుపతి(Vijay Sethupathi) విలన్‌గా నటిస్తుండటంతో ఈ సినిమాను ఎప్పుడెప్పుడు చూద్దామా అని ప్రేక్షకులు ఆసక్తిగా ఎదురుచూస్తున్నారు. ఈ సినిమాను మొదట జూన్ 2న రిలీజ్ చేస్తామని ప్రకటించగా, తాజాగా జవాన్ మూవీ రిలీజ్ డేట్‌ను చిత్ర యూనిట్ వాయిదా వేస్తూ అనౌన్స్ చేశారు.
జవాన్ మూవీని సెప్టెంబర్ 7న ప్రపంచవ్యాప్తంగా రిలీజ్ చేసేందుకు మేకర్స్ రెడీ అవుతున్నారు. ఈమేరకు ఓ అనౌన్స్మెంట్ గ్లింప్స్‌ను రిలీజ్ చేశారు. ఇక ఈ సినిమాలో లేడీ సూపర్స్టార్ నయనతార(Nayanatara) హీరోయిన్‌గా నటిస్తోండగా, దీపికా పదుకొనే(Deepika Padukone) ఓ కేమియో పాత్రలో నటిస్తోంది. రెడ్ చిల్లీస్ ఎంటర్‌టైన్‌మెంట్ బ్యానర్‌పై గౌరీ ఖాన్ ఈ సినిమాను నిర్మిస్తున్నారు. అనిరుధ్ రవిచందర్ సంగీతం అందిస్తున్న ఈ సినిమా కోసం అభిమానులు ఆసక్తిగా ఎదురు చూస్తున్నారు.
