Pushpa2: అల్లు అర్జున్ సినిమాలో మెగా డాటర్!
Hyderabad: ఐకాన్ స్టార్ అల్లు అర్జున్ (Allu Arjun ), నేషనల్ క్రష్ రష్మిక మందన (Rashmika Mandanna) జంటగా నటించిన చిత్రం ‘పుష్ప’ (Pushpa). క్రియేటివ్ డైరెక్టర్ సుకుమార్ (Sukumar) దర్శకత్వంలో రూపొందిన ఈ చిత్రం పాన్ ఇండియా రేంజ్లో సూపర్ హిట్గా నిలిచింది. ఈ సినిమాతో బన్నీకి దేశవ్యాప్తంగా ఉన్న సినీ ప్రేక్షకులు అభిమానులుగా మారిపోయారు. ఊర మాస్ లుక్లో ఫస్ట్పార్ట్తో దుమ్ము దులిపిన బన్ని ఈ సినిమా సీక్వెల్గా తెరకెక్కుతున్న పుష్ప 2 కోసం చాలా కష్టపడుతున్నారు. ప్రస్తుతం షూటింగ్ జరుపుకుంటున్న ‘పుష్ప2’ (Pushpa2) చిత్రంపై సినీ వర్గాల్లోనూ భారీ అంచనాలున్నాయి. అందుకు తగ్గట్లే ‘పుష్ప: ది రూల్’ (Pushpa: The Rule) సినిమాని ప్రేక్షకులు మెచ్చేలా రూపొందించేందుకు భారీ కసరత్తులు చేస్తున్నారు మేకర్స్. ఈ క్రమంలోనే ఈ సినిమాలో ఓ గిరిజన యువతి పాత్రలో మెగా డాటర్ నిహారికా కొణిదెల(Niharika Konidela)ను తీసుకున్నట్లు తెలుస్తోంది.
యాంకర్గా, హీరోయిన్గా కొన్నాళ్లు పరిశ్రమలో సందడి చేసిన నిహారిక పెళ్లి తర్వాత చాలాకాలం వెండితెరకు దూరంగా ఉంది. కాగా, ఈమధ్య కొంతకాలంగా సోషల్ మీడియాలో పలు హాట్ ఫొటో షూట్ పిక్స్ షేర్ చేస్తూ మళ్లీ వెండితెరపై కనపడనున్నట్లు ప్రకటించింది. కాగా, ‘పుష్ప2’లో గిరిజన యువతి పాత్ర కోసం నిహారిక కొణిదెలను సంప్రదించిట్లు ఇండస్ట్రీ వర్గాల్లో వినిపిస్తోంది. గతంలో ఈ సినిమాకోసం సాయి పల్లవి ఓ పాత్ర చేస్తోంది అని వార్తలు హల్చల్ చేశాయి. అయితే సాయి పల్లవి రిజెక్ట్ చేసిన పాత్రనే ప్రస్తుతం మెగా డాటర్ చేస్తోందట. మలయాళ స్టార్ ఫహద్ ఫాసిల్, జగపతి బాబు, సునీల్ ప్రధాన పాత్రలు పోషిస్తున్న ఈ సినిమాకోసం ప్రేక్షకులు ఆసక్తిగా ఎదురు చూస్తున్నారు.
