Kangana Ranaut: మీకు తప్పుగా అనిపిస్తే మీరూ టెర్రరిస్టులే!
Mumbai: బాలీవుడ్ ఫైర్బ్రాండ్ కంగనా రనౌత్(Kangana Ranaut) ది కేరళ స్టోరీ(The Kerala story) సినిమాకి మద్దతుగా సంచలన వ్యాఖ్యలు చేసి మరోసారి వార్తల్లో నిలిచారు. మే 5న విడుదలైన ఈ సినిమాపై ముందునుంచే పలు విమర్శలు వెల్లువెత్తుతున్నాయి. ఈ సినిమాను అడ్డుకోవాలని చాలామంది ప్రయత్నించారు. కాగా హైకోర్టు సినిమా విడుదలకు గ్రీన్ సిగ్నల్ ఇచ్చింది. ప్రధాని మోడీ(PM Modi) సైతం కర్ణాటక ఎలక్షన్స్ ప్రచారంలో ది కేరళ స్టోరీ సినిమాని సమర్థిస్తూ మాట్లాడారు. పలు చోట్ల మాత్రమే రిలీజయిన ది కేరళ స్టోరీ సినిమాకి మంచి ఆదరణ లభిస్తుంది. ఇందులో ఉగ్రవాదంకు వ్యతిరేకంగా చూపించడంతో ఈ సినిమాకు సపోర్ట్ గా పలువురు మాట్లాడుతున్నారు. తాజాగా కంగనా ఈ సినిమాకు మద్దతుగా మాట్లాడారు.
కేరళలో(Kerala) కొంతమంది అమ్మాయిలను మతం మార్చి టెర్రరిజంలోకి తీసుకెళ్తున్నారు అనే రియల్ సంఘటనల ఆధారంగా వచ్చిన సినిమా ది కేరళ స్టోరీ(The Kerala Story). ఈ సినిమాలో అదా శర్మ(Adah Sharma), సిద్ది ఇదాని(Siddhi Idnani), యోగితా.. ముఖ్య పాత్రల్లో నటించారు. సుదీప్తో సేన్ ఈ సినిమాని తెరకెక్కించాడు.
కంగనా రనౌత్ మాట్లాడుతూ..‘నేను సినిమా ఇంకా చూడలేదు. హైకోర్టు కూడా సినిమాని నిషేధించాల్సిన అవసరం లేదని తీర్పు ఇచ్చినా కొంతమంది ఈ సినిమాని అడ్డుకుంటున్నారు. ఈ సినిమా ISIS ఉగ్రవాద సంస్థ గురించి తప్పుగా చూపించింది. అలా తప్పులు చేసే వాళ్ళ గురించి చూపిస్తే ఈ సినిమాకు సపోర్ట్ చేయాల్సింది పోయి సినిమాను అడ్డుకుంటున్నారు. అంటే అది ఉగ్రవాద సంస్థ కాదు అని మీరు సపోర్ట్ చేస్తే మీరు కూడా ఉగ్రవాదులే అవుతారుగా. ఈ సినిమా ISIS ఉగ్రవాదులకు వ్యతిరేకంగా తీసింది. అది మీకు వ్యతిరేకంగా అనిపిస్తే మీరు కూడా ఉగ్రవాదులే అవుతారు’ అని కంగనా వ్యాఖ్యానించింది. ప్రస్తుతం కంగనా వ్యాఖ్యలు వైరల్గా మారాయి.
