OG: 3 వేరియేషన్స్లో పవర్స్టార్?
Hyderabad: ప్రభాస్(Prabhas) హీరోగా సాహో(Sahoo) సినిమా తీసి పాన్ ఇండియా డైరెక్టర్గా క్రేజ్ సంపాదించుకున్న దర్శకుడు సుజిత్(Sujith). సాహో సినిమా దేశవ్యాప్తంగా ఉన్న యాక్షన్ ప్రేమికులని మెప్పించింది. సుజిత్ డైరెక్షన్లో పవర్స్టార్ పవన్ కల్యాణ్(Pawan Kalyan) సినిమా ప్రకటించినప్పటినుంచీ వీరిద్దరి కాంబోలో రాబోయే సినిమా ఎలా ఉండబోతోందా.. అని ఆసక్తిగా ఎదురు చూస్తున్నారు అభిమానులు. ఇక ఈ సినిమాను ‘OG’ అనే వర్కింగ్ టైటిల్‌తో చిత్ర యూనిట్ రూపొందిస్తుండగా, ఇప్పటికే ఈ మూవీ షూటింగ్ శరవేగంగా జరపుకుంటోంది.
ఒరిజినల్ గ్యాంగ్‌స్టర్ అనే టైటిల్‌ను ఈ సినిమాకు ఫిక్స్ చేసేందుకు మేకర్స్ ప్లాన్ చేస్తున్నారు. కాగా, ఈ సినిమాలో పవన్ కల్యాణ్ను ఏకంగా మూడు వైవిధ్యమైన వేరియేషన్స్లో చూపించేందుకు సుజిత్ ప్లాన్ చేస్తున్నాడట. అంతేకాదు పవన్ అభిమానుల కోసం యాక్షన్ సీక్వెన్స్తో సినిమాలో భారీ సర్ప్రైజ్లు ప్లాన్ చేస్తున్నాడట సుజిత్.
ఓజి మూవీలో పవన్ ఓ టీనేజర్, ఒక కాలేజీ స్టూడెంట్, గ్యాంగ్‌స్టర్ పాత్రల్లో కనిపించబోతున్నాడట. ఇలా మూడు వైవిధ్యమైన లుక్స్‌లో పవన్ కనిపించనుండటంతో ఈ సినిమా ఎలాంటి రికార్డులను క్రియేట్ చేస్తుందా అని అందరూ ఆతృతగా చూస్తున్నారు. ఈ సినిమాలో ప్రియాంక మోహన్ హీరోయిన్‌గా నటిస్తోండగా, ఆమె పాత్ర ఎలా డిజైన్ చేశారా అనే ఆసక్తి నెలకొంది. ఇక అప్పుడెప్పుడో ‘పంజా’ మూవీలో గ్యాంగ్‌స్టర్‌గా కనిపించిన పవన్, ఇన్నాళ్ల తరువాత మరోసారి డాన్ లుక్‌లో ప్రేక్షకులను అలరించేందుకు రెడీ అయ్యాడు. ఈ సినిమాకు థమన్ సంగీతం అందిస్తుండగా, డివివి దానయ్య ఈ సినిమాను అత్యంత భారీ బడ్జెట్‌తో నిర్మిస్తున్నారు.
