OG: ఫ్యాన్స్కి వాల్పేపర్ దొరికినట్టే!
Hyderabad: పవర్ స్టార్ పవన్ కల్యాణ్(Pawan Kalyan) వరుస సినిమాలు, రాజకీయాలతో బిజీగా ఉన్న సంగతి తెలిసిందే. ఓకే సమయంలో నాలుగైదు ప్రాజెక్టులను లైన్లో పెట్టిన పవన్ ఒక్కో ప్రాజెక్ట్ పూర్తి చేసే పనిలో ఉన్నారు. తాజాగా సముద్రఖని(Samuthirakani) దర్శకత్వంలో రూపొందుతున్న వినోదయా సిత్తం(Vinodhaya Sitam) తెలుగు రీమేక్ షూటింగ్ పూర్తి చేసిన పవన్ వెంటనే సుజిత్ డైరెక్షన్లో రూపొందుతున్న ఓజీ(OG) షూటింగ్లో జాయిన్ అయ్యారు. డైరెక్టర్ క్రిష్ జాగర్లమూడి(Krish) దర్శకత్వంలో రూపొందుతున్న పీరియాడికల్ మూవీ హరిహర వీరమల్లు(Harihara Veeramallu) షూటింగ్ని కూడా పూర్తి చేసే పనిలో ఉన్నారు. ఇక సెట్ పవన్ కల్యాణ్ ఏ ఫొటో బయటకు వచ్చినా ఫ్యాన్స్కి పండగే. పవన్కి ఉండే ఫ్యాన్ ఫాలోయింగ్ గురించి ప్రత్యేకంగా చెప్పక్కర్లేదు. అందుకే పవన్ ఫొటో బయటకు వచ్చిందంటే చాలు.. క్షణాల్లో వైరల్ అవుతుంది. తాజాగా ఓజీ షూటింగ్ నుంచి బయటకు వచ్చిన ఫొటోలో పవన్ లుక్ అభిమానులను ఆకట్టుకుంటోంది. యంగ్ అండ్ ఎనర్జిటిక్గా బ్లూ టీషర్ట్, కూలింగ్ గ్లాసెస్తో రాయల్ లుక్లో ఉన్న ఈ ఫొటో చూసిన నెటిజన్లు ‘ఫ్యాన్స్కి పండగే.. కొత్త వాల్పేపర్ దొరికింది’ అంటూ సంబరపడిపోతున్నారు.
ఇక పవన్, హరీష్ శంకర్(Harish Shankar) కాంబినేషన్లో రానున్న ఉస్తాద్ భగత్ సింగ్(Ustaad Bhagat Singh) షూటింగ్ కూడా శరవేగంగా కొనసాగుతోంది. ఈ సినిమా నుంచి అప్డేట్స్ ఇచ్చేందుకు భారీ కసరత్తులు చేస్తున్నారు హరీష్. గబ్బర్సింగ్ తర్వాత వీరిద్దరి కాంబోలో రాబోతున్న సినిమా కావడంతో అటు ప్రేక్షకుల్లోనూ ఇటు సినీ వర్గాల్లోనూ ఆసక్తి నెలకొంది.
