Balakrishna: బాలయ్య బ్యాక్ టు బ్యాక్ లోడింగ్..!
Hyderabad: నందమూరి నటసింహం బాలకృష్ణ(Balakrishna) వరుస సినిమాలతో యంగ్ హీరోలకు పోటీ ఇస్తున్న సంగతి తెలిసిందే. అన్స్టాపబుల్(Unstoppable) అంటూ బుల్లితెరపైనా మెప్పించిన బాలయ్య కెరీర్లోనూ అన్స్టాపబుల్గా దూసుకుపోతున్నారు. ఈ ఏడాది వీరసింహా రెడ్డి(Veerasimha Reddy) సినిమాతో బ్లాక్బస్టర్ హిట్ అందుకున్న బాలయ్య అదే జోష్లో వరుస ప్రాజెక్టులకు సైన్ చేశారు. ఇక, ప్రస్తుతం బాలయ్య NBK108 షూటింగ్తో బిజీగా ఉన్నారు. ఈ సినిమాను వరుస హిట్లతో దూసుకుపోతున్న ప్రముఖ డైరెక్టర్ అనిల్ రావిపూడి(Anil Ravipudi) రూపొందిస్తున్నారు. ఈ సినిమాలో బాలయ్య జోడీగా శ్రుతీ హాసన్(Shruti Haasan) నటిస్తోంది. ఇక, ఈ సినిమాలో ఎప్పుడూ చూడని కొత్త బాలయ్యను చూస్తారంటూ అనిల్ రావిపూడి హైప్ క్రియేట్ చేశారు. ఈ సినిమా నుంచి రిలీజ్ చేసిన ఫస్ట్లుక్ అభిమానులను బాగా ఆకట్టుకుంది. ఇంకా టైటిల్ ఖరారు కాని ఈ సినిమా దసరా కానుకగా విడుదల కానుంది. ఈ సినిమా షైన్ స్క్రీన్ బ్యానర్పై రూపొందుతోంది.
కాగా, ఈ సినిమా తర్వాత బోయపాటి శ్రీనివాస్ దర్శకత్వంలో NBK109 సినిమా రూపొందనుంది. బాలయ్య, బోయపాటి కాంబినేషన్లో ఇది నాలుగో సినిమా. BB4గా రానున్న ఈ సినిమాను 14 రీల్స్ ప్లస్ నిర్మించనుంది. పైసా వసూల్ సినిమాతో బాలయ్యలోని కొత్త యాంగిల్ని పరిచయం చేసిన డైరెక్టర్ పూరీ జగన్నాథ్తో బాలయ్య మరో సినిమా ఓకే అయింది. NBK110గా తెరకెక్కనున్న ఈ సినిమాను పూరీ, ఛార్మీ సంయుక్తంగా పూరీ కనెక్ట్స్ పతాకంపై నిర్మించనున్నారు. ఈ ఏడాది వాల్తేరు వీరయ్యతో హిట్ కొట్టిన డైరెక్టర్ బాబి బాలయ్యతో NBK111 చిత్రాన్ని రూపొందించనున్నారు. ఈ సినిమాను సితార ఎంటర్టైన్మెంట్స్ సంస్థ నిర్మించనుంది. గీత గోవిందం, సర్కారువారి పాట సినిమాలతో హిట్ కొట్టిన డైరెక్టర్ పరుశరామ్ బాలయ్యతో NBK112 సినిమాను రూపొందించనున్నారు. ఈ సినిమాను ప్రముఖ నిర్మాణ సంస్థ గీతా ఆర్ట్స్ నిర్మించనుంది.
