Miss Shetty Mr Polishetty Teaser: హిట్ కొట్టేస్తారు..!
Hyderabad: టాలీవుడ్ స్టార్ హీరోయిన్ అనుష్క శెట్టి (Anushka Shetty), యంగ్ హీరో నవీన్ పోలిశెట్టి (Naveen Polishetty) జంటగా నటిస్తున్న చిత్రం ‘మిస్ శెట్టి మిస్టర్ పోలిశెట్టి’( Miss Shetty Mr Polishetty). రొమాంటిక్ కామెడీ ఎంటర్‌టైనర్ గా రాబోతున్న ఈ చిత్రాన్ని పి.మహేష్ బాబు డైరెక్ట్ చేస్తున్నారు. యువీ క్రియేషన్స్(UV creations) ఈ సినిమాని నిర్మిస్తుంది. ఈ మూవీ నుంచి ఇప్పటికే రిలీజ్ అయిన సాంగ్స్ అండ్ పోస్టర్ మంచి రెస్పాన్స్ అందుకున్నాయి. తాజాగా ఈ మూవీ టీజర్ ని రిలీజ్ చేశారు మేకర్స్.
ఈ టీజర్‌లో అనుష్క పాపులర్ షెఫ్‌గానూ, నవీన్ పోలిశెట్టిని స్ట్రగులింగ్ స్టాండప్ కమెడియన్‌గానూ చూడవచ్చు. అనుష్కకు పెళ్లి చేయడం తన తల్లికి అస్సలు ఇష్టం లేదు. అయితే అనుకోకుండా నవీన్ పోలిశెట్టి, అనుష్క కలవాల్సి వస్తుంది. వారి మధ్య జరిగే ఫన్నీ ఇన్సిడెంట్స్‌ను ఈ టీజర్‌లో చూడవచ్చు. కానీ వీరిద్దరూ ప్రేమలో పడ్డారా లేదా అన్న విషయం మాత్రం రివీల్ చేయకుండా టీజర్‌ను కట్ చేశారు. నవీన్ పోలిశెట్టి కామెడీ టైమింగ్ ఇందులో ప్రధాన ఆకర్షణగా నిలిచింది.
‘ఫుడ్ ఏం మ్యాజిక్ కాదు ఇట్స్ సైన్స్..’ అంటూ అనుష్క డైలాగ్తో మొదలయ్యే ఈ టీజర్ ఆద్యంతం ఆసక్తికరంగా సాగింది. అనుష్క తల్లిగా జయసుధ, నవీన్ తండ్రిగా మురళీ శర్మ కనిపించారు. కాగా, ఈ టీజర్ని తెలుగు, తమిళ భాషల్లో రిలీజ్ చేశారు. బాహుబలి తర్వాత టాలీవుడ్ ప్రేక్షకులను మెప్పించలేకపోయిన స్వీటీ ఈ సినిమాతో కచ్చితంగా ఆకట్టుకోనుందని తెలుస్తోంది.
