‘హరిహర వీరమల్లు’లో పవన్ పాట!
Hyderabad: పవర్ స్టార్(Power Star) పవన్ కల్యాణ్(Pawan Kalyan) నటనలోనే కాదు 24 క్రాఫ్ట్స్ మీద పట్టున్న హీరో. దర్శకత్వం, నటనతోపాటు ఆయన నటించిన పలు సినిమాల్లో పాటలు కూడా పాడి మెప్పించారు. అంతేకాదు పలు సినిమాల్లో ఫైట్స్ కూడా కంపోజ్ చేశారు. మల్టీ టాలెంట్తో ఆకట్టుకుంటున్న పవన్ మరోసారి అభిమానులను అలరించేందుకు గొంతు సవరించబోతున్నారని తెలుస్తోంది. సినిమాలతోపాటు రాజకీయాల్లోనూ(Politics) రాణిస్తున్న పవన్ చాలా అరుదుగా ఇతర విషయాలపై దృష్టి పెడతారు. కాగా, క్రిష్ జాగర్లమూడి (Krish) దర్శకత్వంలో తెరకెక్కుతున్న హరిహర వీరమల్లు(Hari Hara Veera Mallu) సినిమాలో పవన్ మరోసారి పాట పాడనున్నారని తెలుస్తోంది.
ప్రస్తుతం పవన్ వరుసగా సినిమాలు చేస్తోన్న సంగతి తెలిసిందే. అందులో ఒకటి క్రిష్ దర్శకత్వంలో సోషియా ఫాంటసీ చిత్రం ‘హరి హరవీర మల్లు. ఇలాంటి సినిమా చేయడం పవన్ కెరీర్ లో ఇదే తొలిసారి. ఇప్పటికే రిలీజ్ అయిన పవన్ లుక్ సహా ప్రచార చిత్రాలు ఆద్యంతం ప్రేక్షకులను ఆకట్టుకుంటున్నాయి. ఈ నేపథ్యంలో పవన్ వీరమల్లు కోసం గొంతు సవరిస్తున్నట్లు తెలుస్తోంది. ఈ సినిమాలో పవన్ ఓ పాట పాడబోతున్నట్లు ఇన్ సైడ్ టాక్. సినిమాలో పవన్ పాడే పాట టైటిల్ ట్రాక్ గా వస్తుందట. ఆ పాట ఆద్యంతం ఎమోషన్ గా కనెక్ట్ అవుతుందని తెలుస్తోంది. ఈ సినిమాకి సంగీత దర్శకత్వం వహిస్తోన్న ఎం ఎం కీరవాణి కోరిక మేరకు పవన్ కల్యాణ్ గొంతు సవరిస్తున్నారని సమాచారం.
