Sukumar: బాక్సాఫీస్​ రికార్డులు తిరగరాస్తున్న శిష్యులు!

Hyderabad: 19 సంవత్సరాల క్రితం ఆర్య సినిమాతో టాలీవుడ్‌ దర్శకుడిగా పరిచయమయ్యారు సుకుమార్ (Sukumar). పుష్ప(Pushpa) సినిమాతో సెన్సేషన్ క్రియేట్ చేసిన సుక్కు.. ఆ సినిమాకు సీక్వెల్‌గా పుష్ప2(Pushpa2) తీసి మరోసారి బాక్సాఫీస్‌ను షేక్ చేయాలని ప్లాన్ చేస్తున్నారు. ప్రస్తుతం సుకుమార్​ అల్లు అర్జున్​(Allu Arjun)తో రూపొందిస్తున్న పుష్ప 2 షూటింగ్​తో బిజీగా ఉన్నారు.
కాగా, ఇండస్ట్రీలో ప్రస్తుతం సుకుమార్ శిష్యుల హవా కొనసాగుతోంది. ఆయన దగ్గర పని చేసిన అనుభవంతో సినిమాలు తెరకెక్కించి సూపర్ హిట్స్ అందుకుంటున్నారు ఆయన శిష్యులు.
శ్రీకాంత్ ఓదెల
నేచురల్ స్టార్‌‌ నాని (Nani) హీరోగా కీర్తి సురేష్ (Keerthy Suresh) హీరోయిన్‌గా తెరకెక్కిన సినిమా దసరా (Dasara). పాన్ ఇండియా వైడ్‌గా విడుదలైన ఈ సినిమా బాక్సాఫీస్ వద్ద మంచి వసూళ్లు రాబట్టి వంద కోట్ల క్లబ్‌లో చోటు దక్కించుకుంది. ఈ సినిమాకు శ్రీకాంత్ ఓదెల దర్శకత్వం వహించారు. అసలు విషయం ఏంటంటే శ్రీకాంత్ ఓదెల.. సుకుమార్ వద్ద ‘నాన్నకు ప్రేమతో’, ‘రంగస్ధలం’ సినిమాలకు అసిస్టెంట్ డైరెక్టర్‌‌గా పనిచేశాడు.
 బుచ్చిబాబు
ఉప్పెన (Uppena) సినిమాతో హిట్ అందుకున్న దర్శకుడు బుచ్చిబాబు సానా (Buchibabu) కూడా సుకుమార్ శిష్యుడే. ఆయన సహకారంతోనే దర్శకుడిగా మారాడు. మొదటి సినిమాతోనే వంద కోట్ల క్లబ్‌లో చోటు దక్కించుకున్న బుచ్చిబాబు.. తర్వాత సినిమాను రాం చరణ్‌తో చేయనున్నాడు.
కార్తీక వర్మ దండు
సాయి ధరమ్ తేజ్ (Sai Dharam Tej) హీరోగా తెరకెక్కిన సినిమా విరూపాక్ష (Virupaksha). సంయుక్త మీనన్ హీరోయిన్‌గా నటించిన ఈ సినిమాకు కార్తీక్ వర్మ దండు దర్శకత్వం వహించారు. ఈ సినిమాకు స్క్రీన్‌ప్లే అందించి, సహ నిర్మాతగా కూడా వ్యవహరించారు సుకుమార్. విరూపాక్ష సినిమా కూడా సూపర్‌‌ హిట్ టాక్‌ను సొంతం చేసుకుంది. ఇక, కార్తీక్ వర్మ(Karthik Dandu) కూడా సుకుమార్ శిష్యుడే.