Nagarjuna: మల్టీస్టారర్లలకు సై అంటున్న సీనియర్ హీరో!
Hyderabad: కొంత కాలంగా వరుస ఫ్లాప్స్ తో అభిమానులను నిరాశకి గురి చేస్తున్న సీనియర్ హీరో అక్కినేని నాగార్జున(Nagarjuna Akkineni). నిజానికి ప్రయోగాలకు కేర్ ఆఫ్ అడ్రస్ అయిన నాగ్ను ఒకప్పుడు స్టార్ హీరోగా నిలబెట్టిన ఆ ప్రయోగాలే ఇప్పుడు మాత్రం తేడా కొడుతున్నాయి. దాదాపు ముప్పై ఏళ్ల నుంచి టాలీవుడ్ టాప్ హీరోల్లో ఒకరిగా వెలుగు వెలిగిన నాగార్జునకి ఈ మధ్య వరుస డిజాస్టర్లు వచ్చి చేరాయి. దాంతో నాగ్ మల్టీస్టారర్లకి మొగ్గు చూపుతున్నట్లు తెలుస్తోంది. ఈ రకంగానైనా హిట్తో కమ్బ్యాక్ అవ్వాలని చూస్తున్నారట.
నాగార్జున హీరోగా ఇటీవల విడుదలైన ‘ఘోస్ట్’(Ghost) చిత్రం కూడా 10 కోట్ల రూపాయల లోపే షేర్ వసూళ్లు రాబట్టింది. దాదాపు 30 సంవత్సరాల నాగార్జున సినీ కెరీర్‌‌లో ఈ తరహా కలెక్షన్లు, షేర్లు రావడం ఇదే మొదటిసారి. వరుసగా వస్తున్న సినిమా రిజల్ట్స్‌ ను దృష్టిలో పెట్టుకుని నాగార్జున కొన్నాళ్లు ప్రయోగాలకు దూరంగా ఉండాలని నిర్ణయించుకున్నారని టాక్. నాగచైతన్య(Naga Chaitanya) కాంబినేషన్లో చేసిన బంగార్రాజు(Bangarraju)తో కాస్త ఫర్వాలేదనిపించినా మళ్లీ నాగార్జునకి హిట్ పడలేదు.
ఈ క్రమంలోనే నాగార్జున సోలో హీరోగా కంటే మల్టీ స్టారర్ సినిమాలు చేసిన మరోసారి తన మార్కెట్‌ను పెంచుకోవాలని ప్లాన్ చేస్తున్నారని తెలుస్తోంది. ప్రసన్న కుమార్ దర్శకత్వంలో ఒక సినిమా చెయ్యబోతున్నారు. ఈ చిత్రంలో నాగార్జున తో అల్లరి నరేష్(Allari Naresh) కి కూడా సమానమైన పాత్రని డిజైన్ చేశాడట డైరెక్టర్ ప్రసన్న కుమార్. త్వరలోనే ఈ సినిమా సెట్స్ మీదకి వెళ్లనుంది. ఈ సినిమా పూర్తయిన వెంటనే తమిళ స్టార్ హీరో సూర్య(Suriya) తో కలిసి ఒక సినిమా చేయబోతున్నారట నాగార్జున. ఒక కొత్త డైరెక్టర్ ఈ చిత్రం ద్వారా ఇండస్ట్రీకి పరిచయం కాబోతున్నాడు. ఇలా వరుసగా ఆయన మల్టీస్టారర్‌ ప్రాజెక్టులకు ఓకే చెబుతున్నారట.
