Pushpa 2: యూట్యూబ్‌ను షేక్ చేస్తున్న పుష్ప రాజ్!
Hyderabad: క్రియేటివ్ డైరెక్టర్ సుకుమార్(Sukumar), ఐకాన్ స్టార్ అల్లు అర్జున్ (Allu Arjun) కాంబినేషన్లో రూపొందుతున్న హ్యాట్రిక్ సినిమా పుష్ప 2(Pushpa 2). రెండు భాగాలుగా తెరకెక్కిస్తున్న ఈ సినిమా మొదటి భాగం పుష్ప: ది రైజ్గా రిలీజ్ అయ్యి పాన్ ఇండియా విజయాన్ని అందుకుంది. దీంతో రెండో పార్ట్గా రానున్న పుష్ప:ది రూల్పై భారీ అంచనాలు నెలకొన్నాయి. ఇక తాజాగా ఈ చిత్రం నుంచి ‘పుష్ప ఎక్కడ?’ అంటూ రిలీజ్ చేసిన గ్లింప్స్ నార్త్ టు సౌత్ అందర్నీ అమితంగా ఆకట్టుకుంది. చిత్రంగా సౌత్లో కంటే నార్త్లోనే ఈ టీజర్ ఎక్కువ వ్యూస్ సాధించి బన్నీ ఫాలోయింగ్ ఏ రేంజ్లో ఉందో నిరూపించింది.
తాజాగా ఈ గ్లింప్స్ 100 మిలియన్ వ్యూస్ అందుకొని యూట్యూబ్ ని షేక్ చేస్తుంది. తెలుగులో ఈ గ్లింప్స్ 26M, హిందీలో 65M, తమిళ్‌లో 5.3M, కన్నడలో 1.3M, మలయాళంలో 2.2M వ్యూస్ సంధించి 10 రోజుల్లో టోటల్ గా 100 మిలియన్ వ్యూస్ అందుకొని రికార్డు సృష్టించింది. ఒక గ్లింప్స్ కే ఈ రేంజ్ రెస్పాన్స్ రావడంతో చిత్ర యూనిట్ ఫుల్ ఖుషీలో ఉంది. ఇక నార్త్ లో పుష్ప రేంజ్ చూస్తుంటే.. కేజీఎఫ్ 2 రికార్డ్స్ ని కొల్లగొట్టడం లేదు సందేహం లేదు అంటున్నారు అభిమానులు. కాగా రష్మిక మందన్న (Rashmika Mandanna) హీరోయిన్ గా నటిస్తున్న ఈ సినిమాలో సునీల్, అనసూయ ప్రధాన పాత్రలు పోషిస్తున్నారు. ఫహద్ ఫాసిల్ (Fahadh Faasil) విలన్ గా కనిపించబోతున్నారు. ఇక ఈ సినిమా ఎన్ని రికార్డులు సృష్టిస్తుందో తెలియాలంటే రిలీజ్ అయ్యేవరకు ఆగాల్సిందే!
