NTR30: రచ్చ మొదలు!
Hyderabad: యంగ్ టైగర్ ఎన్టీఆర్ (NTR), కొరటాల శివ (Koratala Siva) కాంబినేషన్లో రూపొందుతున్న సినిమా NTR 30. ఇక ఈ సినిమా ప్రకటించినప్పటి నుంచీ భారీ అంచనాలు ఏర్పడ్డాయి. ఆర్ఆర్ఆర్ తర్వాత దాదాపు ఏడాది గ్యాప్ ఇచ్చిన తారక్ తాజాగా ఈ సినిమా షూటింగ్ని పట్టాలెక్కించేశారు. ఇక షూటింగ్ మొదలవడమే ఆలస్యం వరుస షెడ్యూల్స్ ముగించేస్తున్నారు కొరటాల. తాజాగా ఈ సినిమాలో తారక్ సరసన నటిస్తున్న బాలీవుడ్ భామ జాన్వీ కపూర్ కూడా సెట్స్లో అడుగుపెట్టింది. ఈ సినిమాలో ఎన్టీఆర్కి విలన్ ఎవరనే విషయంపై రకరకాల కథనాలు వస్తున్నాయి. ఇక ఈ ప్రశ్నకి ఈరోజు క్లారిటీ ఇచ్చేశారు మేకర్స్.
సోషల్ మీడియాలో వచ్చిన వార్తలను నిజం చేస్తూ సైఫ్ అలీ ఖాన్ (Saif Ali Khan) ఈ సినిమాలో విలన్ అంటూ ప్రకటించేశారు. తాజాగా సైఫ్ సెట్స్లో అడుగుపెట్టిన ఫొటోని షేర్ చేస్తూ ఈ విషయాన్ని ధ్రువీకరించింది టీమ్. ఈ ఫొటో చూసిన నెటిజన్లు ‘రచ్చ మొదలైందంటూ’ సంబరపడిపోతున్నారు. నందమూరి కళ్యాణ్ రామ్ (Nandamuri Kalyan Ram) సమర్పణలో ఎన్టీఆర్ ఆర్ట్స్, యువ సుధ ఆర్ట్స్ సంస్థలపై రూపొందుతోన్న ఈ సినిమా టైటిల్ ఏంటనేది ఇంకా ఖరారు కాలేదు.
