Kangana Ranaut: గుర్తుపెట్టుకో.. ఆరోజు నీ ప‌ని చెప్తా
Mumbai: బాలీవుడ్(Bollywood) దర్శక నిర్మాత కరణ్ జోహార్‌ (Karan Johar), నటి కంగనా రనౌత్ (Kangana Ranaut) మధ్య మరోసారి మాటల యుద్ధం మొదలైంది. చాలాసార్లు నేరుగానే కరణ్(Karan johar)పై విమర్శలు చేసిన కంగనా సోషల్ మీడియా వేదికగా మరోసారి మండిపడ్డారు. తన గురించి కరణ్ మాట్లాడుతున్న ఓ పాత వీడియో షేర్ చేస్తూ దర్శకురాలిగా పేరుతెచ్చుకున్నాకే అతని సంగతి చెబుతానంటూ సవాలు విసిరారు.
నటి కంగనా రనౌత్ బాలీవుడ్ ఫిలిం మేకర్ కరణ్పై తరచుగా విమర్శలు చేసే సంగతి చేసిందే. తన కెరీర్ ఆరంభంలో కరణ్ తనను దారుణంగా అవమానించారన్న కంగన, ఇటీవలే కరణ్ కారణంగానే ప్రియాంకా చోప్రా(Priyanka chopra) బాలీవుడ్ని వదిలి వెళ్లిందని సంచలన వ్యాఖ్యలు చేశారు. ఇక తాజాగా కరణ్ మాట్లాడిన ఓ పాత ఇంటర్వ్యూ పోస్ట్ చేసి ‘నీ పనికిమాలిన మాటలకు ధన్యవాదాలు. నేను కూడా ఒక నిర్మాత, దర్శకురాలిగా నిరూపించుకున్న తర్వాత ఇవే మాటలను మీ ముఖాన కొట్టినట్లు చెబుతా’ అంటూ సవాలు విసిరారు.
కాగా, గతంలో ఓ ఇంటర్వ్యూలో కరణ్ మాట్లాడుతూ.. ‘కంగనా తరచూ మమ్మల్ని మూవీ మాఫియా అంటుంది. ఇంతకీ ఆమె ఉద్దేశం ఏంటి? మేము ఏం చేస్తున్నాం అనుకుంటోంది? ఆమెకు ఛాన్స్లు ఇవ్వకపోతే మమ్మల్ని మాఫియా అంటుందా? ఆమె మాటలు నిజం కాదు. మాకు నచ్చిన పనే చేస్తాం. ఆమెతో కలిసి పనిచేసే ఆసక్తి లేదు’ అంటూ కంగనా గురించి మాట్లాడిన వీడియోను ఓ నెటిజన్‌ షేర్ చేయగా దానిపై కంగనా స్పందించారు. కరణ్ హోస్ట్ చేస్తున్న ‘కాఫీ విత్ కరణ్’(Koffee with Karan) షోపై కూడా కంగనా చాలాసార్లు విమర్శలు చేసిన సంగతి తెలిసిందే. మరి కంగన మాటలకు కరణ్ ఏవిధంగా సమాధానం చెబుతారో చూడాలి మరి.
