Mohanlal: కొత్త మూవీ ఫ‌స్ట్‌లుక్ మామూలుగా లేదుగా..!
Hyderabad: మలయాళ స్టార్ హీరో మోహన్ లాల్(Mohanlal)కి తెలుగులోనూ అభిమానులు ఉన్నారు. ఆయన నటించిన సినిమాలన్నీ దాదాపుగా తెలుగులోనూ విడుదల అవుతున్నాయి. జనతా గ్యారేజ్(Janatha Garage)తో నేరుగా తెలుగువారిని అలరించారు మోహన్లాల్(Mohanlal). ఆయన నటించిన లూసీఫర్(Lucifer), మనమంతా(Manamantha).. వంటి సినిమాలు తెలుగులోనూ మంచి ఆదరణ పొందాయి.
ఇక మోహన్లాల్ నటించిన తాజా చిత్రం ‘మలైకొటై వాలిబన్'(Malaikottai Vaaliban). ఈ సినిమా ప్రకటన వచ్చినప్పటినుంచి అప్డేట్స్ కోసం అభిమానులంతా ఆసక్తిగా ఎదురు చూస్తున్నారు. మలైకొటై వాలిబన్ అంటే మలైకొటైకు చెందిన యువకుడు అని అర్థం. బ్రిలియంట్ డైరక్టర్ లీజో జోస్ పెల్లిసరీ ఈ సినిమాని రూపొందిస్తుండటంతో భారీ అంచనాలు ఏర్పడ్డాయి. ఈ నేపథ్యంలో విషు(Vishu) పర్వదినాన ఈ సినిమా ఫస్ట్ లుక్ పోస్టర్ ను విడుదల చేసింది చిత్రబృందం.
ఒక యాక్షన్ సీక్వెన్స్ లో మోహన్ లాల్ ఇంటెన్స్ లుక్ ను ఫస్ట్ లుక్ గా విడుదల చేశారు. ఈ సీన్ తెరపై చూస్తున్నప్పుడు ఎంత ఉత్కంఠగా ఉండనుందో ఈ ఫస్ట్ లుక్ చూస్తే తెలుస్తుంది. జాన్ మేరీ క్రియేటివ్, సెంచురీ ఫిల్మ్స్, మాక్స్ ల్యాబ్ బ్యానర్ల పై షిబు బేబీ జాన్, కొచుమొన్, అనూప్ లు నిర్మాతలు గా సంయుక్తంగా ఈ చిత్రాన్ని భారీ స్థాయిలో నిర్మిస్తున్నారు. ఇప్పటికే ఈ సినిమా కథ గురించి రకరకాల కథనాలు ప్రచారంలోకి రాగా, అవేవీ ‘ మలైకొటై వాలిబన్’ కు సంబంధించినవి కావని మేకర్స్ క్లారిటీ ఇచ్చారు. భారీ బడ్జెట్ తో రూపొందుతున్న ఈ చిత్రం మలయాళంతో పాటుగా ఇతర ప్రముఖ భాషలన్నింటిలో విడుదల కానుంది.
