NBK108: యాక్షన్తో అదరగొట్టనున్న బాలయ్య.. వీడియో లీక్!
Hyderabad: ఈ ఏడాది ఆరంభం నుంచీ నందమూరి బాలకృష్ణ(Balakrishna) మంచి జోష్లో ఉన్నారు. ఓవైపు వీరసింహా రెడ్డి(Veera Simha Reddy) హిట్తో యాక్షన్ సినిమాల్లో తనకు తిరుగులేదని నిరూపించుకుని, మరోవైపు అన్స్టాపబుల్ సీజన్ 2తో ప్రేక్షకులను అలరించారు. ఇక ఇప్పుడు తన 108వ సినిమాని ప్రేక్షకుల ముందుకు తీసుకు వచ్చే పనిలో ఉన్నారు. ఈ సినిమాని డైరెక్టర్ అనిల్ రావిపూడి(Anil Ravipudi) రూపొందిస్తున్నారు. ఈ చిత్రం తెలంగాణ(Telangana) బ్యాక్ డ్రాప్ లో తెరకెక్కిస్తున్నట్లు ఇప్పటికే అనిల్ హింట్ ఇచ్చారు. ఈ సినిమా నుంచి రిలీజ్ చేసిన బాలయ్య లుక్కి అదిరిపోయే రెస్పాన్స్ వచ్చింది. బాలయ్య డైలాగ్స్ అంటేనే ఫుల్ జోష్లో ఉంటాయి. అలాంటిది ఆ మాస్ డైలాగ్స్ ని తెలంగాణ యాసలో చెబితే ఇంకెలా ఉంటుందో అని అభిమానులంతా ఎదురు చూస్తున్నారు.
ఇక, ఈ సినిమా కొత్త షెడ్యూల్ శుక్రవారం (ఏప్రిల్ 14) హైదరాబాద్ లో మొదలైంది. ఈ షెడ్యూల్ హై ఓల్టేజ్ యాక్షన్ సన్నివేశాన్ని తెరక్కించనున్నారట. ఇక సెట్స్ నుంచి ఒక వీడియో బయటకి వచ్చింది. ఆ వీడియోలో ఫైట్ కోసం ఉస్ చేసే క్రేన్, రోప్స్ అండ్ సెట్ ప్రోపర్టీస్ కనిపిస్తున్నాయి. ప్రస్తుతం ఈ వీడియో నెట్టింట వైరల్ అవుతుంది. కాగా ఈ సినిమాలో కాజల్ అగర్వాల్(Kajal Agarwal) హీరోయిన్ గా నటిస్తుంది. మరో హీరోయిన్ శ్రీలీల(Sreeleela) ఒక ప్రత్యేక పాత్రలో కనిపించబోతుంది. థమన్ సంగీతం అందిస్తున్న ఈ సినిమాతో హ్యాట్రిక్ కొట్టాలని చూస్తున్నారు బాలకృష్ణ.
