War2: ఎన్టీఆర్ రెమ్యునరేషన్ ఎంతో తెలుసా?
Hyderabad: బాలీవుడ్ స్టార్ హృతిక్ రోషన్(Hrithik Roshan) – యంగ్ టైగర్ ఎన్టీఆర్(NTR) మల్టీస్టారర్ గా ‘వార్2’(War2) రాబోతున్న విషయం తెలిసిందే. ఈ సినిమాతోనే తారక్(Tarak) బాలీవుడ్(Bollywood) ఎంట్రీ ఇవ్వబోతున్నారు. ప్రస్తుతం ఈ స్పైయూనివర్స్ లో నటించేందుకు తారక్ తీసుకున్న రెమ్యూనరేషన్ ఆసక్తికరంగా మారింది. ఈ సినిమాకోసం తారక్ ఏకంగా వంద కోట్లు తీసుకుంటున్నారని తెలుస్తోంది.
‘ఆర్ఆర్ఆర్(RRR)’తో గ్లోబల్ స్టార్ క్రేజ్ దక్కించుకున్నారు యంగ్ టైగర్ ఎన్టీఆర్ (NTR).వరల్డ్ వైడ్ గా తారక్ క్రేజ్ భారీగా పెరిగిపోయింది. ఈక్రమంలో ఆయన లైనప్ లోకి భారీ చిత్రాలు వచ్చి చేరుతున్నాయి. ప్రస్తుతం బిగ్ ప్రాజెక్ట్ అయిన యష్ రాజ్ ఫిల్మ్స్ స్పైయూనివర్స్ లో నటించేందుకు గ్రీన్ సిగ్నల్ ఇచ్చారని తెలుస్తోంది. యష్ రాజ్ ఫిల్మ్స్ నిర్మిస్తున్న స్పై యూనివర్స్ లో ‘వార్(War)’ చిత్రం ఎంతటి విజయాన్ని సాధించిందో తెలిసిందే. హృతిక్ రోషన్ – ట్రైగర్ ష్రాఫ్ కలిసి మొదటి భాగంలో నటించగా.. వార్2లో మాత్రం హృతిక్ రోషన్ – యంగ్ టైగర్ ఎన్టీఆర్ నటించబోతున్నారు. చిత్రానికి ఆయాన్ ముఖర్జీ దర్శకత్వం వహించబోతున్నారు.
‘వార్2’లో మొదట విజయ్ దేవరకొండ, ప్రభాస్ ల పేర్లు వినిపించాయి. కానీ ఆస్టార్లను కాదని ఫైనల్ గా ఎన్టీఆర్ ను ఎంపిక చేసుకున్నారంటే.. తారక్ క్రేజ్ ఏ స్థాయిలో ఉందో అర్థమవుతోంది. అయితే అందుకు తగ్గట్టుగానే ఎన్టీఆర్ ఛార్జ్ చేయబోతున్నారని వినిపిస్తోంది. ఆర్ఆర్ఆర్’కు ఎన్టీఆర్ హ్యయేస్ట్ గా రూ.45 కోట్ల వరకు అందుకున్నారు. కానీ ఇప్పటి నుంచి సినిమాకు వంద కోట్లపైనే రెమ్యూనరేషన్ ఉంటుందని తెలుస్తోంది. బాలీవుడ్ లో వందకోట్లు తీసుకునే హీరోలు ఉన్న విషయం తెలిసిందే. ఇక సౌత్ లో ప్రభాస్, విజయ్ దళపతి పేర్లు వినిపిస్తున్నాయి. ఇప్పుడు ఈలిస్టులో జూనియర్ ఎన్టీఆర్ సైతం చేరబోతున్నారని టాక్.
