Elon Musk: మ‌స్క్ వీర్య‌క‌ణాల‌తో మార్స్‌లో పుట్ట‌నున్న శిశువులు
Elon Musk: టెస్లా అధినేత ఎలాన్ మ‌స్క్ ఎలాగైనా మార్స్‌కి చేరుకోవాల‌ని తెగ ప్ర‌య‌త్నాలు చేస్తున్నారు. ఎప్ప‌టికైనా త‌న చావు మాత్రం మార్స్ గ్ర‌హంపైనే జ‌ర‌గాల‌ని కోరుకుంటున్నారు. మార్స్‌లో త‌న రాబోయే త‌రాలు బ‌త‌కాల‌న్న నేప‌థ్యంలో త‌న వీర్య‌క‌ణాల‌ను సేక‌రించి మార్స్ గ్ర‌హంపై పిల్ల‌ల్ని పుట్టించేలా ప్ర‌య‌త్నాలు చేస్తున్నారు. ఇందుకోసం త‌న 262 బిలియ‌న్ డాల‌ర్ల ఆస్తిని వెచ్చించ‌నున్నారు.
మార్స్‌పై మాన‌వులు జీవించాలంటే మ‌రో 40 నుంచి వందేళ్లు ప‌డుతుంది. మ‌రో 20 ఏళ్ల‌లో క‌నీసం 10 ల‌క్ష‌ల మంది మార్స్‌పై జీవించాల‌ని మ‌స్క్ ప్ర‌య‌త్నిస్తున్నారు. మ‌రోప‌క్క మార్స్‌పై సాధార‌ణ మాన‌వుడు నివ‌సించాలంటే 2040 నాటి వ‌ర‌కు సాధ్యం కాద‌ని నాసా చెప్తోంది. ఎందుకంటే అక్క‌డ విప‌రీత‌మైన చ‌ల్ల‌ద‌నం.. మ‌ట్టి త‌ప్ప ఏమీ లేదు. పైగా మార్స్ గ్ర‌హంలో ఉండే గాలిని మ‌నుషులు పీల్చుకోలేరు.
మ‌స్క్‌కి చెందిన బోరింగ్ అనే కంపెనీ మార్స్ గ్ర‌హంపై డ్రిల్లింగ్ చేయాల‌ని ప్ర‌య‌త్నాలు చేస్తోంది. సోష‌ల్ మీడియా ప్లాట్‌ఫాం ఎక్స్ (ట్విట‌ర్) మార్స్‌పై జీవించేవారిని పాలిస్తుంద‌ట. ఇక మార్స్‌పై టెస్లా సంస్థ త‌యారుచేసే వాహ‌నాలే తిరుగుతాయ‌ట. మ‌రోప‌క్క నాసాతో ఒప్పందం కుదుర్చుకున్న మ‌స్క్ 2.9 బిలియ‌న్ డాల‌ర్ల‌తో రాకెట్‌ను లాంచ్ చేయ‌నున్నారు. అయితే అది ఎప్పుడు జ‌రుగుతుందో మాత్రం తెలీదు.
