Akshay Kumar: తొలిసారి ఓటేసిన న‌టుడు
Akshay Kumar: బాలీవుడ్ న‌టుడు అక్షయ్ కుమార్ ఈరోజు త‌న తొలి ఓటు హ‌క్కును వినియోగించుకున్నారు. అదేంటి.. అక్షయ్ కుమార్‌కి ఏమ‌న్నా ఈరోజు 18 ఏళ్లు వ‌చ్చాయా తొలి ఓటు వేయ‌డానికి అనుకుంటున్నారా? మ్యాట‌ర్ ఏంటంటే.. అక్షయ్ కుమార్ కెన‌డాలో పుట్ట‌డంతో ఆయ‌న గ‌తేడాది వ‌ర‌కు కెన‌డా పౌరసత్వం కలిగి ఉన్నారు. దాంతో ఇన్నేళ్లుగా ఆయ‌న భార‌త్‌లో స్థిర‌ప‌డిన‌ప్ప‌టికీ ఒక్క‌సారి కూడా ఓటు వేయ‌లేక‌పోయారు. కెన‌డా పౌర‌స‌త్వంలో ఇండియాలో ఉంటూ ఇక్క‌డే డ‌బ్బు సంపాదించుకుంటున్నాడ‌ని నెటిజ‌న్ల నుంచి తీవ్ర విమ‌ర్శ‌లు, ట్రోల్స్ రావ‌డంతో ఈ ఏడాది ఆయ‌న త‌న కెన‌డా పౌర‌స‌త్వాన్ని క్యాన్సిల్ చేయించుకుని భార‌త పౌర‌స‌త్వాన్ని పొందారు. అలా ఈరోజు ముంబైలో జ‌రుగుతున్న లోక్ స‌భ ఎన్నిక‌ల పోలింగ్ నేప‌థ్యంలో త‌న తొలి ఓటు హ‌క్కును వినియోగించుకున్నారు.
