Uber: క్యాబ్ డ్రైవ‌ర్ హ‌స్త ప్ర‌యోగం.. యువతి ఏం చేసిందో తెలుసా?
Uber: ఉబ‌ర్ క్యాబ్ ఎక్కిన ఓ మ‌హిళా ప్యాసెంజ‌ర్ త‌న‌కు ఎదురైన షాకింగ్ ఘ‌ట‌న‌ను సోష‌ల్ మీడియాలో పోస్ట్ చేసింది. అది చ‌దివాక చాలా మంది అమ్మాయిలు క్యాబ్ ఎక్కాలంటే భ‌య‌మేస్తోంది అని కామెంట్స్ పెడుతున్నారు. ఇంత‌కీ మ్యాట‌ర్ ఏంటంటే.. ఆస్ట్రేలియాకు చెందిన ఓ టేలా అనే అమ్మాయి ఉబ‌ర్ క్యాబ్ బుక్ చేసుకుంది. ఇంకో అర‌గంట‌లో ఇంటికి చేరుకుంటుంది అన‌గా.. డ్రైవ‌ర్ త‌న ప్యాంట్ జిప్ తీసాడ‌ట. అది గ‌మ‌నించిన టేలా ప్యాంట్ స‌రిచేసుకుంటున్నాడేమో అనుకుంద‌ట. తీరా చూస్తే అత‌ను హ‌స్త ప్ర‌యోగం చేసుకుంటున్నాడ‌ట.
దాంతో టేలా ఎక్క‌డ త‌న‌పై అత్యాచారం చేస్తాడో అని భ‌య‌ప‌డుతూ ఏడుస్తూ కూర్చుంది. ఎందుకైనా మంచిద‌ని వెంట‌నే త‌న త‌ల్లికి ప్రియుడికి మెసేజ్ పెట్టింది. ఆ త‌ర్వాత టేలాను డ్రైవ‌ర్ త‌న ఇంటి వ‌ద్ద డ్రాప్ చేస్తూ థ్యాంక్యూ అని చెప్పాడ‌ట. కానీ టేలా ఆ స‌మ‌యంలో ఏమీ అన‌లేక‌పోయింది. ఎందుకంటే ఆ డ్రైవ‌ర్ హ‌స్త ప్ర‌యోగం చేసుకోవ‌డం ఆ అమ్మాయి గ‌మ‌నించింది అని తెలిస్తే అత‌ను కోపంలో ఏమైనా చేసే అవ‌కాశం ఉంది. అందుకే త‌న ఇల్లు రాగానే టేలా వెంట‌నే క్యాబ్ దిగేసింది. ఆ త‌ర్వాత ఉబ‌ర్ సంస్థ‌కు పోలీసుల‌కు స‌మాచారం అందించిన‌ట్లు సోష‌ల్ మీడియాలో తెలిపింది. ఈ పోస్ట్ చూసిన చాలా మంది నెటిజ‌న్లు దేశం ఏదైనా క్యాబ్స్ ఎక్కాలంటే భ‌యంగా ఉందంటూ కామెంట్స్ పెడుతున్నారు.
