బ్యాంక్ ఉద్యోగుల‌ ప్రాణాల‌ను బ‌లిగొన్న కోతి

Monkey: ఓ కోతి కార‌ణంగా ముగ్గురు బ్యాంక్ ఉద్యోగులు ప్రాణాలు కోల్పోయారు. ఈ ఘ‌ట‌న ఉత్త‌ర్‌ప్ర‌దేశ్‌లో చోటుచేసుకుంది. యాక్సిస్ బ్యాంక్ ఉద్యోగులు అయిన ముగ్గురు వ్య‌క్తులు కారులో మొర‌దాబాద్ అలీగ‌డ్ హైవేపై ప్ర‌యాణిస్తున్నారు. వారి కారు దోమ‌గ‌డ్ ప్రాంతానికి చేరుకోగానే ఉన్న‌ట్టుండి ఓ కోతి అడ్డు వ‌చ్చింది. కోతిని త‌ప్పించ‌బోయి డ్రైవ‌ర్ కారు ట్యాంక‌ర్‌ను ఢీకొట్టాడు. ఈ ఘ‌ట‌న‌లో ఇద్ద‌రు అక్క‌డికక్క‌డే మృతిచెంద‌గా.. మ‌రో వ్య‌క్తి హాస్పిట‌ల్‌లో చికిత్స పొందుతూ చ‌నిపోయాడు. కోతి కార‌ణంగానే వారు ముగ్గురూ చ‌నిపోయార‌ని.. వారు ప్ర‌యాణిస్తున్న ప్రాంతంలో కోతులు ఎక్కువ‌గా సంచ‌రిస్తూ ఉంటాయ‌ని పోలీసులు తెలిపారు.