Rohit Sharma: ముంబై ఇండియ‌న్స్ కెప్టెన్‌గా ఉండి ఐదు సార్లు ఐపీఎల్ టైటిల్ గెలిచిన హిట్ మ్యాన్ రోహిత్ శ‌ర్మ‌కు ఈ ఏడాది పెద్ద షాక్ త‌గిలింది. ముంబై ఇండియ‌న్స్ కెప్టెన్సీ నుంచి తొల‌గించి ఆ స్థానాన్ని హార్దిక్ పాండ్య‌కు అప్ప‌గించారు. దాంతో టీం మొత్తం కాన్ఫిడెన్స్ కోల్పోయి ఈసారి ఐపీఎల్ నుంచి అవుట్ అయిన తొలి టీంగా నిలిచింది.  అయితే ముంబై ఇండియ‌న్స్‌తో రోహిత్ శ‌ర్మ ఆడ‌టం ఇదే చివ‌రి లీగ్ అనే టాక్ వినిపిస్తోంది. 2025 ఐపీఎల్ స‌మ‌యానికి ఆయ‌న వేరే టీంలో ఉంటార‌ని చాలా మంది అభిప్రాయాలు వ్య‌క్తం చేస్తున్నారు. 2025 ఐపీఎల్‌లో రోహిత్ శ‌ర్మ ఈ మూడు టీంల‌లో ఉండే అవ‌కాశం ఉంది.

స‌న్ రైజ‌ర్స్ హైద‌రాబాద్

2025లో స‌న్ రైజ‌ర్స్ హైద‌రాబాద్ రోహిత్ శ‌ర్మ‌ను తీసుకునే అవ‌కాశం ఉన్న‌ట్లు క‌నిపిస్తోంది. ప్యాట్ క‌మిన్స్ స్థానాన్ని రోహిత్ భ‌ర్తీ చేసే అవ‌కాశం ఉంది. ఆస్ట్రేలియా ఇంగ్లాండ్ మ‌ధ్య 2025లో మ్యాచ్ ఉన్న నేప‌థ్యంలో వచ్చే ఏడాది ఐపీఎల్ స‌మ‌యానికి ప్యాట్ క‌మిన్స్ ఆడే అవ‌కాశం లేదు. సో ఆయ‌న స్థానంలో స‌న్ రైజ‌ర్స్ హైద‌రాబాద్ కెప్టెన్‌గా రోహిత్ శ‌ర్మ ఆడే వీలుంది.

పంజాబ్ కింగ్స్

పంజాబ్ కింగ్స్ కూడా రోహిత్ శ‌ర్మ‌పై ఓ క‌న్నేసి ఉంచింది. ఎలాగైనా ఎంత ఖ‌ర్చైనా పెట్టి హిట్ మ్యాన్‌ను త‌మ టీంలోకి లాక్కోవాల‌ని చూస్తోంది. ఐపీఎల్ చ‌రిత్ర‌లోనే చాలా ఇబ్బందుల‌ను ఎదుర్కొంటున్న టీం పంజాబ్ కింగ్స్. రోహిత్ శ‌ర్మ వ‌స్తే త‌మ జాత‌కం మారుతుంద‌ని భావిస్తోంది.

ల‌ఖ్‌నౌ సూప‌ర్ జైంట్స్

ఈ మ‌ధ్య‌కాలంలో జ‌నాల నోళ్ల‌లో బాగా నానిన టీం ఇది. ఎందుకంటే మొన్న స‌న్ రైజ‌ర్స్ హైద‌రాబాద్… ల‌ఖ్‌నౌ సూప‌ర్ జైంట్స్‌కి మ‌ధ్య జరిగిన మ్యాచ్‌లో ల‌ఖ్‌నౌ ఓడిపోవ‌డంతో ఆ టీం కెప్టెన్ కేఎల్ రాహుల్‌ను స్టేడియంలోనే వేలాది మంది ముందు టీం ఓన‌ర్ సంజీవ్ గోయెంకా నోటికొచ్చిన‌ట్లు మాట్లాడాడు. దాంతో వ‌చ్చే ఏడాది ఐపీఎల్‌లో కేఎల్ రాహుల్‌ను ఉంచే ఛాన్స్ లేద‌ని తెలుస్తోంది. సో రాహుల్ స్థానాన్ని హిట్ మ్యాన్ భ‌ర్తీ చేసే అవ‌కాశాలు క‌నిపిస్తున్నాయి.