Asaduddin Owaisi: ముస్లింలే ఎక్కువ కండోమ్‌లు వాడ‌తారు
Asaduddin Owaisi: కేంద్ర ప్ర‌భుత్వం ఇచ్చిన నివేదిక ప్ర‌కారం దేశంలో ముస్లింల జ‌నాభా త‌గ్గిపోతోంద‌ని.. ముస్లింలే ఎక్కువ‌గా కండోమ్‌లు వాడుతున్నారు అని చెప్ప‌డంలో త‌న‌కు ఎలాంటి సిగ్గు లేద‌ని AIMIM నేత అస‌దుద్దిన్ ఒవైసీ తెలిపారు. పిల్ల‌లు ఎక్కువ‌గా ఉన్న‌వారికే కాంగ్రెస్ ఆస్తులు పంచిపెడుతోందంటూ ప్ర‌ధాని న‌రేంద్ర మోదీ ముస్లింల‌ను టార్గెట్ చేసి కామెంట్స్ చేసారు. దీనిపై అస‌ద్ మాట్లాడుతూ.. మోదీకి ఉన్నది ఒకే గ్యారెంటీ అని.. అది ముస్లింల‌ను ద‌ళితుల‌ను త‌క్కువ చేసి ద్వేషించ‌డ‌మే అని మండిప‌డ్డారు. ముస్లింలే ఎక్కువ‌గా పిల్ల‌ల్ని కంటారు అని మోదీ లేని పోని భ‌యాలు పుట్టిస్తున్నార‌ని.. నిజానికి కండోమ్‌లు ఎక్కువ‌గా వాడేది ముస్లింలే అని అస‌ద్ పేర్కొన్నారు.
“” ముస్లింలు ఎక్కువ మంది పిల్ల‌ల్ని క‌నేసి హిందువుల‌ను దాటేస్తార‌ని మోదీ వారిలో భ‌యాన్ని క‌లిగిస్తున్నారు. ఇలా మోదీ ఎంత వ‌ర‌కు భ‌యాన్ని క‌లిగించ‌గ‌లరు? మా మ‌తం వేరై ఉండొచ్చు కానీ మేం కూడా ఈ దేశానికి చెందిన‌వాళ్ల‌మే “” అని మండిప‌డ్డారు ఒవైసీ
