Adam Gilchrist: రుతుకి ఉన్న సపోర్ట్ హార్దిక్‌కి లేక‌పోవ‌డం బాధాక‌రం

Adam Gilchrist:  చెన్నై సూప‌ర్ కింగ్స్ (Chennai Super Kings) కెప్టెన్ రుతురాజ్ గైక్వాడ్‌కు (Ruturaj Gaikwad) మాజీ కెప్టెన్ ఎంఎస్ ధోనీ (MS Dhoni)మ‌ద్దతు ఉంద‌ని.. అదే మ‌ద్ద‌తు ముంబై ఇండియ‌న్స్ (Mumbai Indians) టీం కెప్టెన్ హార్దిక పాండ్య‌కు (Hardik Pandya) లేక‌పోవ‌డం బాధాక‌రం అని అన్నారు మాజీ క్రికెట‌ర్ ఆడ‌మ్ గిల్‌క్రిస్ట్. రుతుకు టీంలోని సీనియ‌ర్లు చేస్తున్న సపోర్ట్ హార్దిక్‌కు ఎవ్వ‌రూ చేయ‌డంలేద‌ని ఆయ‌న అభిప్రాయ‌ప‌డ్డారు.

నిన్న వాంఖెడె స్టేడియంలో జ‌రిగిన చెన్నై సూప‌ర్ కింగ్స్ వ‌ర్సెస్ ముంబై ఇండియ‌న్స్ మ్యాచ్‌లో ధోనీ విశ్వ‌రూపం చూపించి చెన్నైకు మ‌రో విజ‌యాన్ని ద‌క్కేలా చేసాడు. హార్దిక్ పాండ్య కెప్టెన్‌గా విఫ‌ల‌మ‌య్యాడు అని ఇప్ప‌టికే ఎన్నో విమ‌ర్శ‌లు వ‌స్తున్న నేప‌థ్యంలో నిన్న మ‌రో మ్యాచ్ ఓడిపోయాడు. దాంతో హార్దిక్ నిన్న మీడియా ముందు ఒక మాట‌న్నాడు. స్టంప్స్ వెనుక మాస్ట‌ర్ మైండ్ అయిన ధోనీ ఉన్నాడని.. ఏం చేస్తే టీం గెలు్స్తుందో ధోనీకి తెలుసు అని అన్నాడు.

ధోనీ వ‌ల్లే చెన్నై సూప‌ర్ కింగ్స్ ఈ ఏడాది ఐపీఎల్ సీజన్‌లో టాప్ 3వ స్థానంలో ఉంద‌ని అభిప్రాయ‌ప‌డ్డాడు. అయితే త‌న టీంలో త‌న‌కు ఇలా వెన్నంటే ఉండి స‌ల‌హాలు ఇచ్చేవారు ప్రోత్స‌హించేవారు లేర‌ని హార్దిక్ మాట‌ల్లో బాధ క‌నిపిస్తోంద‌ని గిల్‌క్రిస్ట్ అన్నారు. “” పాండ్య ధోనీ గురించి అన్న మాట ఇంట్రెస్టింగ్‌గా ఉంది. పాండ్య ముంబై ఇండియ‌న్స్ టీంలో ఒంట‌రిగా ఫీల‌వుత‌న్నాడు. సూప‌ర్ కింగ్స్‌కి ధోనీ ఉన్న‌ట్టు ముంబై ఇండియ‌న్స్ నుంచి పాండ్య‌కు ఎవ‌రి మ‌ద్ద‌తు లేద‌ని తెలుస్తోంది “” అని తెలిపారు గిల్‌క్రిస్ట్