Swami Paripoornananda: హిందూపురం నియోజక‌వ‌ర్గానికి నంద‌మూరి బాల‌కృష్ణ (Nandamuri Balakrishna) ఏం చేసాడ‌ని ఆయ‌నకు మ‌ళ్లీ టికెట్ ఇచ్చార‌ని ప్ర‌శ్నించారు స్వామీ ప‌రిపూర్ణానంద. ఈ సారి లోక్ స‌భ ఎన్నిక‌ల్లో ఆయ‌న‌కు హిందూపురం ఎంపీ టికెట్ ఇస్తార‌ని ఆశించారు. కానీ ఇవ్వ‌కుండా వైసీపీ నుంచి తెలుగు దేశం పార్టీలో చేరిన వ్య‌క్తికి ఇచ్చారని ఆయ‌న ఆరోపించారు. ఇది త‌న‌కు అవ‌మానక‌రం అని.. త‌న‌కు ఎంపీ టికెట్ ఇవ్వ‌నందుకు ఈసారి ఎంపీగానే కాకుండా ఎమ్మెల్యేగా కూడా స్వ‌తంత్రంగా బ‌రిలోకి దిగుతాన‌ని తెలిపారు. కచ్చితంగా ఈసారి హిందూపూర్‌లో తానే గెలుస్తాన‌నే న‌మ్మ‌కం ఉంద‌ని చెప్పారు.

పొత్తే ప్ర‌మాదం

తెలుగు దేశం పార్టీ జ‌నసేన‌, భార‌తీయ జ‌న‌తా పార్టీల‌తో పొత్తు పెట్టుకోవ‌డంపై స్పందిస్తూ.. పొత్తే ప్ర‌మాద‌క‌రం అని అన్నారు. తెలుగు దేశం పార్టీ వారే ఆల్మోస్ట్ భార‌తీయ జ‌న‌తా పార్టీలో ఉన్నారని.. దీని వ‌ల్ల భార‌తీయ జ‌న‌తా పార్టీ ఆంధ్ర‌ప్ర‌దేశ్‌లో త‌న ఉనికిని కోల్పోయే ప్ర‌మాదం ఉంద‌ని తెలిపారు.

ప‌వ‌న్ హోంవ‌ర్క్ చేయాల్సిందే

గ‌తంలో గాజువాక‌, భీమ‌వ‌రం నుంచి ఓడిపోయిన ప‌వ‌న్ క‌ళ్యాణ్ ఈసారి పిఠాపురం నుంచి పోటీ చేస్తున్నారు. గ‌తంలో సీనియ‌ర్ ఎన్టీఆర్, ఇందిరా గాంధీలు కూడా ఓడిపోయార‌ని ఓట‌మి పెద్ద విష‌యం కాదు కానీ.. మ‌ళ్లీ పోటీ చేసేట‌ప్పుడు గ్రౌండ్ వ‌ర్క్, హోంవ‌ర్క్ క‌చ్చితంగా చేయాల్సిందేన‌ని ప‌వ‌న్‌కు సూచించారు. హోంవ‌ర్క్ చేయ‌కుండా త‌న బాధ్య‌త‌ను మ‌రో ప‌ది మంది జ‌న‌సైనికుల‌పై వేసేస్తే మాత్రం పిఠాపురంలో ఆయ‌న గెల‌వ‌డం క‌ష్టం అని తెలిపారు.

ALSO READ: హ్యాట్రిక్ కోసం బాల‌య్య కీల‌క నిర్ణ‌యం