NTR రికార్డు బ్రేక్ చేసిన నాని!
శ్రీరామనవమి పండగ సందర్భంగా మార్చి 30న విడుదలలైన నాని ‘దసరా’ దేశవ్యాప్తంగానే కాదు ఓవర్సీస్లోనూ దుమ్మురేపుతోంది. తెలుగు రాష్ట్రాలతోపాటు ఓవర్సీస్లోనూ ధరణి వసూల్ రాజాగా మారిపోయాడు. భారీ కలెక్షన్లతో రికార్డులు తిరగరాస్తున్నాడు. మొదటి రెండు రోజుల్లోనే రూ.50 కోట్లు వసూలు చేసిన ఈ మూవీ శని, ఆదివారాల్లో అంతకు మించి వసూలు చేయడం ఖాయం. విదేశాల్లోనూ దసరా హవా కొనసాగుతోంది. నాని రా అండ్ రస్టిక్ యాక్షన్తో యంగ్ టైగర్ ఎన్టీఆర్ రికార్డులు కూడా బ్రేక్ చేశాడు. ఓవర్సీస్ కలెక్షన్లలో ‘దసరా’ మూవీ సక్సెస్‌తో ఈ రికార్డు సాధించాడు. కొన్నేళ్లుగా సరైన హిట్లేని నాని దసరాతో ఆ లోటు తీర్చేశాడు.
విదేశాల్లో ఇప్పటికే ఏడుసార్లు వన్ మిలియన్ డాలర్ల వసూలు మార్క్ సాధించిన నాని దసరాతో ఆ సంఖ్యను 8 కి పెంచేశాడు. ఇప్పటికే నాని నటించిన ‘ఈగ’, ‘నేను లోకల్’, ‘భలే భలే మగాడివోయ్’, ‘ఎంసీఏ’, ‘నిన్ను కోరి’, ‘జెర్సీ’, ‘అంటే సుందరానికీ!’ చిత్రాలు 1 మిలియన్ మార్క్ దాటాయి. తాజాగా దసరా కూడా వాటి సరసన చేరడంతో తెలుగు సినీ పరిశ్రమ నుంచి ఆ రికార్డు అందుకున్న రెండో హీరోగా నిలిచాడు మన ధరణి. ఇక, సూపర్స్టార్ మహేష్ బాబు 11 సినిమాలతో మొదటి స్థానంలో ఉన్నాడు.
ఇంతవరుకు 7 చిత్రాలతో ఎన్టీఆర్‌తో సమానంగా ఉన్న నాని దసరాతో తారక్ను దాటేశాడు. ‘జెర్సీ’ తర్వాత విడుదలైన నాని సినిమాలు ‘గ్యాంగ్ లీడర్’, ‘వి’, ‘టక్ జగదీశ్, ‘శ్యామ్ సింగ రాయ్’, ‘అంటే సుందరానికీ’ ఆశించిన ఫలితాలను ఇవ్వలేదు. ‘శ్యామ్ సింగ రాయ్’ సినిమా పరంగా మంచి పేరు దక్కించుకున్నా కమర్షియల్గా నానికి ప్లస్ అవ్వలేదు. అయినా జయాపజయాలతో సంబంధం లేకుండా విదేశాల్లోని తెలుగువాళ్లను మెప్పిస్తున్న నాని పాన్ ఇండియా మూవీగా వచ్చిన దసరాతో మరో ఘనత సాధించాడు. శ్రీకాంత్ ఓదెల ఈ సినిమాతో దర్శకుడిగా టాలీవుడ్కి పరిచయమయ్యారు. ధరణికి జోడీగా వెన్నల పాత్రలో కీర్తీ సురేష్ నటించింది. ఎలాంటి బ్యాగ్రౌండ్ లేకుండా పరిశ్రమకు వచ్చి స్టార్ హీరో అయిన నాని ఓవర్సీస్లోనూ రికార్డులు సృష్టించడంతో తెగ సంబరపడిపోతున్నారు అభిమానులు.
