Prabhas: పృథ్వీ.. నువ్వు వ‌ర‌ద‌రాజ మ‌న్నార్‌వేనా?
Prabhas: ప్ర‌ముఖ మ‌ల‌యాళ న‌టుడు పృథ్వీరాజ్ సుకుమారన్ (Prithviraj Sukumaran) నటించిన ఆడుజీవితం (Adujeevitham) ట్రైల‌ర్‌పై ప్ర‌భాస్ స్పందించారు. ఆడుజీవితం ట్రైల‌ర్ చూసిన ప్ర‌భాస్ ఇలా అన్నారు. మై బ్ర‌ద‌ర్ పృథ్వీ… అస‌లు నువ్వేం చేసావ్!! వ‌ర‌ద‌రాజ మ‌న్నార్‌లా న‌టించింది నువ్వేనా అనిపించేలా చేసావ్. కంగ్రాట్స్. బ్లాక్‌బ‌స్ట‌ర్ లోడింగ్ అని అభినంద‌న‌లు తెలిపారు.
ప్రశాంత్ నీల్ ద‌ర్శ‌క‌త్వం వ‌హించిన బ్లాక్ బ‌స్ట‌ర్ చిత్రం స‌లార్‌లో (Salaar) ప్ర‌భాస్, పృథ్వీరాజ్ సుకుమార్ నటించిన సంగ‌తి తెలిసిందే. ఈ సినిమాతో వీరిద్దరూ మంచి స్నేహితులు అయిపోయారు. త‌న‌కు ఏం అవ‌స‌రం ఉన్నా ప్ర‌భాస్‌కి ఒక్క ఫోన్ కొడితే చాల‌ని పృథ్వీ చాలా సంద‌ర్భాల్లో తెలిపారు. ఇక ఆడుజీవితం సినిమా విషయానికొస్తే బ్లెసీ ఈ సినిమాకు ద‌ర్శ‌క‌త్వం వ‌హించారు. 2024లో మ‌ల‌యాళం నుంచి రిల‌జ్‌ కానున్న ఆస‌క్తిక‌ర‌మైన సినిమా ఇదేన‌న్న టాక్ వినిపిస్తోంది. తెలుగు ఆడియ‌న్స్ కూడా ఈ సినిమాను చూసేందుకు ఆస‌క్తిగా ఎదురుచూస్తున్నారు.
