Inter Students: పిట్ట‌ల్లా రాలిపోతున్న ఇంటర్ విద్యార్ధులు
Inter Students: తెలంగాణ‌లో ఇంటర్ విద్యార్ధులు పిట్ట‌ల్లా రాలిపోతున్నారు. మూడు నెల‌ల్లో ఏకంగా 25 మంది ఇంటర్ విద్యార్ధులు ఆత్మ‌హ‌త్య‌ల‌కు పాల్ప‌డ్డారు. ఇటీవ‌ల ఓ కుర్రాడు ఇంటర్ ప‌రీక్ష‌కు నిమిషం ఆల‌స్యంగా వ‌చ్చాడ‌ని లోప‌లికి అనుమ‌తించ‌కోవ‌డంతో న‌దిలో దూకి ఆత్మహత్య చేసుకున్నాడు. ఈరోజు హన్మకొండ భీమారంలోని శివాని జూనియర్ కాలేజీలో ఇంటర్ చదువుతున్న సాహిత్య కాలేజీ భవనం పైనుంచి దూకి ఆత్మహత్య చేసుకుంది. ఇంత జ‌రుగుతున్నా తెలంగాణ విద్యా శాఖ మంత్రి స్పందించ‌క‌పోవ‌డం గ‌మ‌నార్హం.
అయితే వీరంతా ఒక్కో కార‌ణం చేత ఆత్మ‌హ‌త్య‌ల‌కు పాల్ప‌డ్డారు. కొందరు విద్యార్ధులు ఇంటర్ ప‌రీక్ష‌లకు హాజ‌రు కానివ్వ‌లేద‌న్న కార‌ణంతో చ‌నిపోగా.. మరికొంద‌రు చ‌ద‌వ‌లేక.. ఇత‌ర వ్య‌క్తిగత కార‌ణాల వ‌ల్ల ఆత్మ‌హ‌త్య‌ల‌కు పాల్ప‌డిన‌ట్లు తెలుస్తోంది. ఏది ఏమైన‌ప్ప‌టికీ విద్యా శాఖ మంత్రి ఆరా తీసి చిన్న వ‌య‌సులోనే ఇంత‌టి అఘాయిత్యాల‌కు ఎందుకు పాల్ప‌డుతున్నారో తెలుసుకోవాల్సిన అవ‌స‌రం ఎంతైనా ఉంది.
