NTR బర్త్ డే స్పెషల్.. ఆ రెండు సూపర్ హిట్ సినిమాల రీరిలీజ్!
‘నిన్ను చూడాలని’ అంటూ టాలీవుడ్ హీరోగా అడుగు పెట్టి ‘ఆర్ఆర్ఆర్’తో పాన్ ఇండియా స్టార్గా ఎదిగారు యంగ్ టైగర్ ఎన్టీఆర్. ఈ సంవత్సరం ఎన్టీఆర్ కెరీర్లోనే అత్యుత్తమమైనదిగా చెప్పుకోవచ్చు. అంతర్జాతీయ వేదికలపై మెరిసిన తారక్, ప్రపంచం మొత్తాన్నీ ఆకట్టుకున్నాడు. అంతర్జాతీయ మీడియా సైతం తారక్ టాలెంట్, వ్యక్తిత్వాన్ని పొగుడుతూ ఆర్టికల్స్ ప్రచురించింది. ఇక, వచ్చే నెలలో ఎన్టీఆర్ పుట్టినరోజు రానుండటంతో ఈసారి తారక్ బర్త్డేని మరింత ఘనంగా జరిపేందుకు సన్నాహాలు మొదలయ్యాయి. ఈ సందర్భంగా తారక్ కెరీర్లో మైలురాళ్లుగా నిలిచిన ఆది, సింహాద్రి సినిమాలను రీరిలీజ్ చేయనున్నారు. మే 20న ఎన్టీఆర్ పుట్టినరోజు కాగా, ఆ రోజున ఆది సినిమాను రీరిలీజ్ చేయనున్నారు దర్శకనిర్మాతలు.
ఇక సింహాద్రి సినిమాను ఎప్పుడు రీరిలీజ్ చేసేదీ ఏప్రిల్ 7న వీడియో, పోస్టర్ రూపంలో ప్రకటిస్తామని తెలిపారు. ఈ లెక్కన మే నెలంతా ఎన్టీఆర్ సినిమాలతో మరోసారి ప్రేక్షకులకు పండగే అని తెలుస్తోంది. ఆది సినిమాకు వివి వినాయక్ దర్శతక్వం వహించగా.. నల్లమల్లపు శ్రీనివాస్ నిర్మించారు. తారక్ సరసన కీర్తి చావ్లా నటించారు. 2002 లో విడుదలైన ఈ సినిమా అప్పట్లో ఓ సంచనలం సృష్టించింది. ఇక ఈ సినిమాతో పాటు సింహాద్రి సినిమా సినిమాలను కూడా రీరిలీజ్ చేయనున్నారట. అయితే ఈ విషయంలో మరింత సమాచారం తెలియాల్సి ఉంది.
ఎన్టీఆర్, రాజమౌళి కాంబినేషన్లో వచ్చిన రెండో సినిమా సింహాద్రి. యాక్షన్, ఎమోషన్స్, ఫ్యామిలీ బ్యాక్డ్రాప్లో వచ్చిన ఈ సినిమా సూపర్ హిట్గా నిలిచి వంద సెంటర్లలో 250 రోజుల పండుగ జరుపుకుంది. ఈ సినిమాలో తారక్ సరసన భూమికా చావ్లా, అంకిత నటించగా నాజర్ కీలకపాత్రలో కనిపించారు.
ప్రస్తుతం తారక్, కొరటాల శివ దర్శకత్వంలో రూపొందుతున్న ఎన్టీఆర్30 సినిమా చేస్తున్న సంగతి తెలిసిందే. ఇటీవలే పూజా కార్యక్రమాలు జరుపుకున్న ఈ సినిమా షూటింగ్ జోరుగా కొనసాగుతోంది. యాక్షన్ సీన్స్‌ షూట్ చేస్తున్నట్టు టాక్. ఈ సినిమాలో తారక్ సరసన జాన్వీ కపూర్ నటిస్తుండగా మరో హీరోయిన్కి కూడా అవకాశం ఉందట. రెండో హీరోయిన్గా టాలీవుడ్ బేబమ్మ కృతి శెట్టి ఛాన్స్ కొట్టేసినట్టు తెలుస్తోంది. ఇక ఈ సినిమా కోసం లెంగ్తీ షెడ్యూళ్లు ప్లాన్ చేస్తున్నాడట దర్శకుడు కొరటాల శివ. ఈ సినిమా 2024 ఏప్రిల్ 5న విడుదలకానుంది. అనిరుధ్ సంగీతం అందిస్తున్న ఈ మూవీని యువ సుధా ఆర్ట్స్, ఎన్టీఆర్ ఆర్ట్స్ సంస్థలు సంయుక్తంగా నిర్మిస్తున్నాయి. ఇక ఈ సినిమా ఐలాండ్ & పోర్ట్ బ్యాక్డ్రాప్లో ఉండనుందని తెలుస్తోంది. ఇక ఈ సినిమా షూట్‌ను ముఖ్యంగా హైదరాబాద్‌, వైజాగ్‌, గోవాలో వేసిన సెట్స్‌లో జరుపునున్నారని సమాచారం.
